Foto: Aqorda
Memleket basshysy Energetika ministri Almasadam Sátqalievti qabyldady.
Almasadam Sátqaliev elimizdiń otyn-energetika kesheniniń biylǵy birinshi jartyjyldyqtaǵy damýy jóninde esep berdi.
Osy ýaqyt aralyǵynda 44,7 million tonna munai óndirilgen. Munai ónimderiniń óndirisi 6,78 million tonnany quraǵan.
Sondai-aq 30,1 milliard tekshe metr gaz óndirilip, elektr qýatyn óndirý kólemi 60,4 mlrd kVt/saǵatqa jetken.
Ministr vedomstvonyń tutynýshylardy elektr qýatymen jáne jylýmen turaqty qamtamasyz etýge baǵyttalǵan iri investitsiialyq jobalardy iske asyrý jospary jóninde málimet berdi jáne jańartylatyn energiia kózderin damytý sharalary týraly baiandady.
Kezdesý sońynda Memleket basshysy jylytý maýsymyna daiyndyq boiynsha tiisti jumys júrgizýdi jáne ishki naryqty munai ónimderimen qamtamasyz etýdi tapsyrdy.
