Foto: Aqorda
Memleket basshysy Qasym-Jomart Toqaev Qazaqstan halqyn Alǵys aitý kúnimen quttyqtady. Bul týraly Aqordanyń baspasóz qyzmeti habarlady.
Qurmetti otandastar!
Barshańyzdy Alǵys aitý kúnimen shyn júrekten quttyqtaimyn!
Bul jarqyn mereke azamattarymyzdyń bir-birine degen rizashylyǵy men tilektestiginiń, shynaiy qurmetiniń simvoly sanalady.
Halqymyz ǵasyrlar boiy berekeli birligi men týǵan jerge degen sheksiz súiispenshiliginiń arqasynda eń kúrdeli synaqtar men qaterlerdi eńsere bildi. Osy irgeli qundylyqtar jalpyulttyq biregeiligimizdiń ajyramas bóligine ainaldy.
Biyl Qazaqstan halqy Assambleiasynyń qurylǵanyna 30 jyl tolady. Bul qurylym qoǵamdaǵy ózara túsinistik pen kelisimdi nyǵaitýǵa ólsheýsiz úles qosyp keledi.
Qazir bizdiń aldymyzda júieli ári aýqymdy reformalardy júzege asyrý mindeti tur. Osy oraida, ár azamattyń el taǵdyryna jaýapty ekenin tolyq sezine bilýi mańyzdy.
Biz judyryqtai jumyla bilsek qana, úilesimdi jáne ádiletti qoǵam qurý jolynda jetistikke jetemiz.
Týǵan eldiń igiligi úshin adal ári tynymsyz eńbek etip júrgen barsha otandastaryma alǵys aitamyn.
Sizderge zor densaýlyq, baq-bereke tileimin! - delingen quttyqtaý mátininde.
Memleket basshysy Qazaqstan halqyn Ramazan aiynyń bastalýymen quttyqtaǵan bolatyn.
