Foto: Akorda.kz
Prezident HH ǵasyrdaǵy saiasi qýǵyn-súrgin materialdaryn zertteý ortalyǵynyń jumysymen tanysty, dep habarlaidy "Ult aqparat" Aqordanyń resmi saityna silteme jasap.
Memleket basshysy Almaty qalasyna jumys sapary aiasynda HH ǵasyrdaǵy saiasi qýǵyn-súrgin materialdaryn zertteý ortalyǵyna bardy.
Qasym-Jomart Toqaev ortalyqta qujattardy saqtaý shartymen, muraǵat qujattaryn qalpyna keltirý jáne mikrofilmdeý kabinetteriniń jumysymen tanysty. Sonymen qatar Memleket basshysyna ótken ǵasyrdaǵy saiasi qýǵyn-súrgin tarihyna qatysty materialdar boiynsha júrgizilgen jumystardyń ekspozitsiiasy kórsetildi.
Prezidenttiń Jarlyǵymen 2020 jyldyń qarasha aiynda HH ǵasyrdaǵy saiasi qýǵyn-súrgin qurbandaryn tolyq aqtaý jóninde memlekettik komissiia quryldy. Memlekettik komissiianyń jumysyna qoldaý kórsetý maqsatynda 2021 jyly HH ǵasyrdaǵy saiasi qýǵyn-súrgin materialdaryn zertteý ortalyǵy ashyldy
HH ǵasyrdyń 30-50 jyldaryndaǵy saiasi qýǵyn-súrgin tarihyna qatysty materialdar Ortalyqqa IIM, UQK, Bas prokýratýranyń arnaýly muraǵattarynan beriledi. Ortalyq taiaý ýaqytta barlyǵy 715 myńǵa jýyq isti qabyldap alady dep josparlanyp otyr. Munda qujattardy qupiiasyzdandyrý, qalpyna keltirý jumystary júzege asyrylady. Olardy zertteý jáne ǵylymi ainalymǵa engizý úshin tiisti jaǵdai jasalǵan.
Qazirgi ýaqytta tarihshy-ǵalymdar men ortalyq qyzmetkerleri «Alashorda isi. 1920-1940 jj. Qujattar men materialdar» atty kóptomdyqty baspaǵa daiyndap jatyr. Bul basylym HH ǵasyrdaǵy Qazaqstannyń saiasi tarihynyń ǵylymi kókjiegin keńeitedi. Jalpy, Ortalyq qorynda 260 myń is, al arhivte 1 million 132 myń is saqtalǵan.
Memleket basshysy tarihymyzdy zerdeleý isinde Ortalyqtyń jumysy mańyzdy ekenin atap ótip, ujymǵa sáttilik tiledi.
