Foto: juldyz.info
Memleket basshysy aqyn Nesipbek Aitulynyń otbasy men jaqyn týystaryna kóńil aitý jedelhatyn joldady, dep habarlaidy "Ult aqparat" Aqordaǵa silteme jasap.
Qasym-Jomart Toqaev kórnekti aqyn, Memlekettik syilyqtyń laýreaty, Qazaqstannyń eńbek sińirgen qairatkeri Nesipbek Aitulynyń dúnieden ótýine bailanysty otbasy men jaqyn týystaryna kóńil aitty.
«Nesipbek Aituly ulttyq ónerimiz ben mádenietimizdi órkendetýge súbeli úles qosyp, rýhaniiat salasynyń alǵa basýyna kúsh-qairat jumsady. Qazaqstan táýelsizdiginiń jyrshysyna ainalǵan aqynnyń tartymdy týyndylary oqyrmandar tarapynan joǵary baǵasyn aldy. Ónegeli ǵumyr keship, sońyna mol ádebi-mádeni mura qaldyrǵan Nesipbek Aitulynyń jarqyn beinesi umytylmaidy. Marqumnyń imany salamat, jany jánnatta bolsyn», – dep jazylǵan jedelhatta.
Buǵan deiin habarlaǵanymyzdai, búgin belgili aqyn Nesipbek Aituly 73 jasynda dúnieden ótti.
