Memleket basshysy Mańǵystaý oblysyna jumys sapary aiasynda Aqtaý qalasyndaǵy «Halyq Arena» sport keshenin aralap kórdi, dep habarlaidy "Ult aqparat" Aqordanyń resmi saityna silteme jasap.
Qasym-Jomart Toqaevqa sport keshenindegi jattyǵý zaldary tanystyryldy. 2500 adamǵa arnalǵan sport kesheninde basketbol, voleibol, fýtbol, jeńil atletika, boks, dziýdo, aýyr atletika, sýda júzý, shaǵyn fýtbol siiaqty sporttyń 19 túrimen shuǵyldanýǵa jaǵdai jasalǵan.
Prezident keshende jattyǵyp júrgen sportshylarmen áńgimelesý barysynda sport salasy, buqaralyq sport túrleriniń damýy memlekettiń erekshe nazarynda bolatynyn, barlyq óńirde zamanaýi sport nysandarynyń salynyp jatqanyn aitty. Memleket basshysy sportshylardan bolashaqta álem jáne olimpiada chempiondary shyǵatynyna senim bildirdi.
Kezdesý sońynda Qasym-Jomart Toqaev jas sportshylarǵa tabys tilep, estelik sýretke tústi.
