Amerika Qurama Shtattary men Japoniiaǵa tikelei áýe reisin ashý máselesi biyl sheshilýi tiis. Mundai mindetti búgin Elbasy Nursultan Nazarbaev Úkimettiń keńeitilgen otyrysynda Indýstriia jáne infraqurylymdyq damý ministri Jeńis Qasymbekke berdi, dep habarlaidy QazAqparat tilshisi.
«Aviatorlarǵa, eń aldymen «Eir Astana» kompaniiasyna bizdiń negizgi investorlarymyzǵa qarai áýe bailanysyn iske qosý mindetin júkteý qajet. Qazir Eýropaǵa ushamyz. Endi Qurama Shtattarǵa, Japoniiaǵa ushýymyz qajet. Ol úshin ne isteý kerektigin qarańyz, qoldaý kórsetińiz», - dedi Nursultan Nazarbaev ministr Qasymbekke qarata aitqan sózinde.
Memleket basshysy bastapqy ýaqytta bul baǵyttaǵy áýe reisterinen paida túspeýi múmkin ekendigin de eskertti.
«Ushaq satyp alýǵa, nemese qoldanystaǵy ushaqtardy paidalaný máselesine kómek berý kerek. Bul másele biyl sheshilýi tiis», - dedi Nursultan Nazarbaev
