QR Prezidenti Ákimshiliginiń qyzmetkerleri birkúndik eńbekaqylaryn elimizdegi koronavirýstyń taralýyna qarsy kúreske kómek retinde aýdarýǵa sheshim qabyldady. Bul týraly Memleket basshysynyń baspasóz hatshysy Berik Ýáli málim etti, dep habarlaidy "Ult aqparat".
«Aýdarylǵan qarajat elorda men Almaty qalalarynyń pandemiia saldaryn óz bastarynan ótkergen turǵyndarǵa beriledi. Sonymen qatar jinalǵan qarjy koronavirýsqa qarsy kúreske atsalysyp jatqan meditsina qyzmetkerlerin yntalandyrýǵa da jumsalady. Bul qarajattyń bir bóligin juqpaly aýrýlar aýrýhanalaryn qoldaýǵa, maskalar men basqa da qajetti qorǵanysh quraldaryn satyp alýǵa jumsaý josparlanýda. Budan bólek balalar úilerine de kómek kórsetiledi», - dep jazdy B.Ýáli Facebook-te.
Eske salaiyq, koronavirýs infektsiiasynyń taralýyna bailanysty Qazaqstanda 16 naýryz ben 15 sáýir aralyǵynda tótenshe jaǵdai jariialandy.
Al 19 naýryzdan bastap infektsiia tirkelgen eki qalada - Nur-Sultan men Almatyda karantin rejimi engiziledi.
Osy ýaqytqa deiin Almaty qalasynda infektsiiaǵa shaldyqqan – 18, Nur-Sultan qalasynda - 18 adam, jalpy 36 naýqas tirkeldi.
