Murat Nurtileý QR Prezidenti Ákimshiliginiń Basshysy laýazymyna taǵaiyndaldy. Tiisti Jarlyqqa Memleket basshysy qol qoidy, dep habarlaidy Aqordanyń baspasóz qyzmeti.
Murat Ábýǵaliuly Nurtileý 1976 jyly dúniege kelgen.
Ál-Farabi atyndaǵy Qazaq memlekettik ulttyq ýniversitetin bitirgen. Halyqaralyq qatynastar salasy mamany. Diplomatiialyq dárejesi – birinshi synypty keńesshi.
Syrtqy ister ministrliginiń memlekettik hattama basqarmasynyń referenti, attashesi, Qazaqstan Respýblikasynyń Malaiziiadaǵy Elshiliginiń attashesi, Qazaqstan Respýblikasy Syrtqy ister ministrligi Aziia jáne Afrika departamentiniń ekinshi hatshysy, Qazaqstan Respýblikasy Syrtqy ister ministriniń keńesshisi, Syrtqy ister ministri hatshylyǵynyń basshysy Qazaqstan Respýblikasy Parlamenti Senaty apparaty basshysynyń orynbasary bolyp qyzmet istegen.
2007-2011 jyldary Senat apparatynyń basshysy bolyp qyzmet atqardy. 2011 jyly QR Syrtqy ister ministrliginiń erekshe tapsyrmalar jónindegi elshisi, QR SIM Aziia jáne Afrika departamentiniń direktory. Jenevadaǵy (Shveitsariia Konfederatsiiasy) QR Turaqty ókildiginde keńesshi ýákil (2011-2014);
QR Prezident Ákimshiligi Syrtqy saiasat ortalyǵy meńgerýshisiniń orynbasary (2014-2016). Qazaqstan Respýblikasynyń Finliandiia Respýblikasyndaǵy Tótenshe jáne ókiletti elshisi (2016 jylǵy naýryzdan), Qazaqstan Respýblikasynyń Estoniia Respýblikasyndaǵy Tótenshe jáne ókiletti elshisi (2017-2019) mindetin qosa atqarýshy boldy. QR Prezidentiniń kómekshisi (2019-2021).
2022 jyldyń 5 qańtarynda Qazaqstan Respýblikasy Ulttyq qaýipsizdik komiteti tóraǵasynyń birinshi orynbasary laýazymyna taǵaiyndaldy. Búgingi kúnge deiin sol qyzmette boldy.
