Málik Myrzalin Qazaqstan Respýblikasynyń Grýziiadaǵy Tótenshe jáne ókiletti elshisi bolyp taǵaiyndaldy, - dep habarlaidy "Ult aqparat" Aqorda saityna silteme jasap.
"Memleket basshysynyń Jarlyǵymen Málik Keńesbaiuly Myrzalin Qazaqstan Respýblikasynyń Grýziiadaǵy Tótenshe jáne ókiletti elshisi bolyp taǵaiyndaldy, ol Qazaqstan Respýblikasy Prezidentiniń Ákimshiligi basshysynyń orynbasary laýazymynan bosatyldy", - delingen habarlamada.
Ol 1971 jylǵy 31 qazanda Aqtóbe qalasynda týǵan. 1996 jyly Máskeý memlekettik halyqaralyq qatynastar institýtyn bitirgen. Eńbek jolyn Qazaqstannyń Resei Federatsiiasyndaǵy Elshiliginde bastaǵan.
1996-2004 jyldary – Qazaqstannyń Resei Federatsiiasyndaǵy Elshiliginiń attashesi, úshinshi, ekinshi, birinshi hatshysy.
2004-2008 jyldary – Soltústik Qazaqstan oblysy ákimi apparatynyń basshysy, ákim orynbasary, birinshi orynbasary.
2008-2009 jyldary – "Nur-Otan" HDP ortalyq apparaty basshysynyń orynbasary, Astana qalasy.
2010-2011 jyldary – Qazaqstan Respýblikasy Prezidentiniń Is Basqarmasy apparatynyń basshysy.
2011-2013 jyldary – Qazaqstan Respýblikasy Din isteri agenttiginiń jaýapty hatshysy.
2013-2017 jyldary – Qazaqstan Respýblikasy Prezidenti Is basqarýshysynyń orynbasary, birinshi orynbasary.
2017-2019 jyldary – Aqmola oblysynyń ákimi.
2019 jylǵy 19 naýryzda Memleket basshysynyń Jarlyǵymen Qazaqstan Respýblikasynyń Prezidenti Ákimshiligi Basshysynyń orynbasary bolyp taǵaiyndaldy.
"Parasat" (2021 jyly), "Qurmet" (2014 jyly) ordenderimen jáne "Eren eńbegi úshin" (2005 jyly) medalimen marapattalǵan.
