QR Prezidenti Qasym-Jomart Toqaev Úkimettiń keńeitilgen otyrysynda elde AES salý múmkindigi týraly paiymyn aitty, dep habarlaidy QazAqparat.
«Biz elektrmen jabdyqtaý júiesiniń jumysynda turaqty irkilisterge tap boldyq. Eń jarqyn mysal - jaqynda eldiń ońtústiginde elektr qýatyn óshirýmen bailanysty boldy. Biz shekaralas memleketterdiń energiia júiesindegi jumystyń sapasyna ishinara táýeldimiz», - degen Memleket basshysy eldiń energetikalyq qaýipsizdigi problemasyn shuǵyl sheshý kerektigin basa aitty.
«Jaýapty adamdardyń atom stantsiiasynyń qurylysy týraly suraqtarǵa jaýap berýden nelikten qashqaqtaitynyn túsinbeimin. Týrasyn aitý kerek: taza atom energiiasynsyz biz investitsiialar týraly aitpaǵanda, búkil ekonomikamyzdy joǵaltyp alamyz, óńirlik kóshbasshylyǵymyzdy joǵaltamyz», - degen Prezident máseleniniń mánine tereńdep barmaityn, popýlisterdiń sózine ermeý mańyzdy ekenin eske saldy.
«Bizge elektr qýaty, ásirese taza atom energiiasy asa qajet. Ekonomikalyq ahýaldan habary joq popýlisterdiń sózine ermeiik. Atom energetikasynyń mánin kásibi deńgeide túsindirý qajet», - dedi Qasym-Jomart Toqaev.
