قر پرەزيدەنتٸ قاسىم-جومارت توقاەۆ ٷكٸمەتتٸڭ كەڭەيتٸلگەن وتىرىسىندا ەلدە اەس سالۋ مٷمكٸندٸگٸ تۋرالى پايىمىن ايتتى, دەپ حابارلايدى قازاقپارات.
«بٸز ەلەكترمەن جابدىقتاۋ جٷيەسٸنٸڭ جۇمىسىندا تۇراقتى ٸركٸلٸستەرگە تاپ بولدىق. ەڭ جارقىن مىسال - جاقىندا ەلدٸڭ وڭتٷستٸگٸندە ەلەكتر قۋاتىن ٶشٸرۋمەن بايلانىستى بولدى. بٸز شەكارالاس مەملەكەتتەردٸڭ ەنەرگييا جٷيەسٸندەگٸ جۇمىستىڭ ساپاسىنا ٸشٸنارا تەۋەلدٸمٸز», - دەگەن مەملەكەت باسشىسى ەلدٸڭ ەنەرگەتيكالىق قاۋٸپسٸزدٸگٸ پروبلەماسىن شۇعىل شەشۋ كەرەكتٸگٸن باسا ايتتى.
«جاۋاپتى ادامداردىڭ اتوم ستانتسيياسىنىڭ قۇرىلىسى تۋرالى سۇراقتارعا جاۋاپ بەرۋدەن نەلٸكتەن قاشقاقتايتىنىن تٷسٸنبەيمٸن. تۋراسىن ايتۋ كەرەك: تازا اتوم ەنەرگيياسىنسىز بٸز ينۆەستيتسييالار تۋرالى ايتپاعاندا, بٷكٸل ەكونوميكامىزدى جوعالتىپ الامىز, ٶڭٸرلٸك كٶشباسشىلىعىمىزدى جوعالتامىز», - دەگەن پرەزيدەنت مەسەلەنٸنٸڭ مەنٸنە تەرەڭدەپ بارمايتىن, پوپۋليستەردٸڭ سٶزٸنە ەرمەۋ ماڭىزدى ەكەنٸن ەسكە سالدى.
«بٸزگە ەلەكتر قۋاتى, ەسٸرەسە تازا اتوم ەنەرگيياسى اسا قاجەت. ەكونوميكالىق احۋالدان حابارى جوق پوپۋليستەردٸڭ سٶزٸنە ەرمەيٸك. اتوم ەنەرگەتيكاسىنىڭ مەنٸن كەسٸبي دەڭگەيدە تٷسٸندٸرۋ قاجەت», - دەدٸ قاسىم-جومارت توقاەۆ.
