Prezident Qasym-Jomart Toqaev Ábsattar qajy Derbisáliniń otbasy men jaqyn týystaryna kóńil aitty. Bul týraly QR Prezidentiniń baspasóz hatshysy Berik Ýáli jelidegi paraqshasynda jazdy.
Memleket basshysy Qasym-Jomart Toqaev asa kórnekti shyǵystanýshy jáne dintanýshy ǵalym, filologiia ǵylymdarynyń doktory, professor, UǴA akademigi, diplomat Ábsattar qajy Baǵysbaiuly Derbisáliniń dúnieden ótýine bailanysty kóńil aitý jedelhatyn joldady.
«Ábsattar Baǵysbaiuly elimiz úshin eseli eńbek etti. Ál-Farabi atyndaǵy Qazaq ulttyq ýniversitetinen bastalǵan ustazdyq joly jemisti boldy. Arabtaný ǵylymynyń negizin salýshylardyń biri retinde ǵylymǵa tereń boilap, monografiialar men qundy eńbekter jazdy. Sonymen qatar elimizdiń syrtqy saiasaty salasynda qyzmet etip, Qazaqstan men Saýd Arabiiasy Koroldigi arasyndaǵy yntymaqtastyq bailanystyń órken jaiýyna atsalysty.
Qazaqstan musylmandary dini basqarmasynyń tóraǵasy, Bas múfti bolǵan tusynda islam dininiń qundylyqtaryn dáripteýge, sondai-aq konfessiiaaralyq jáne ultaralyq kelisimniń nyǵaia túsýine qomaqty úlesin qosty.
Ónegeli ǵumyr keship, sońyna mol ǵylymi mura qaldyrǵan Ábsattar qajy Baǵysbaiulynyń jarqyn beinesi umytylmaidy. Halqymyz kórnekti ǵalymnyń esimin árdaiym ardaq tutady», – dep jazylǵan Prezidenttiń jedelhatynda.
Aita ketsek, tanymal ǵalym Ábsattar qajy Derbisáli dúnieden ótti.
