QR Prezidenti Qasym-Jomart Toqaev BUU Bas Assambleiasy 75-sessiiasynyń jalpy saiasi debattary barysynda Abaidyń jahandyq yntymaqtastyqqa qatysty formýlasyn álem elderine jetkizdi, dep habarlaidy "Ult aqparat".
«Qyrǵi-qabaq soǵystan keiin qarapaiym adamnyń múddesin kózdeitin shyn mánindegi halyqaralyq júie quratyn keremet múmkindikti paidalana almadyq. Muny moiyndaýymyz kerek. Bolashaq urpaqtyń taǵdyry birinshi kezekte bizdiń, iaǵni memleket basshylarynyń osy jaǵdaidyń týyndaý sebebin qalai túsinýimizge bailanysty bolyp otyr», - dedi Qazaqstan Prezidenti.
Memleket basshysy «Jańa álem» paradigmasyn qurýǵa bailanysty ortaq adamgershilik paryzdy atqarý máselesin oilanýymyz qajettigin basa aitty.
«Qazirgi tańda adamzat úshin mańyzdy tarihi ózgeris jasaityn kez keldi dep sanaimyn. BUU-nyń qurylýynan júz jyl buryn dúniege kelgen qazaqtyń uly aqyny, filosof Abai Qunanbaiuly tabysty jahandyq yntymaqtastyqqa qatysty «Adamzatqa ne kerek: súimek, sezbek, keiimek, qareket qylmaq, júgirmek, aqylmen oilap sóilemek» degen óziniń formýlasyn usynǵan bolatyn. Aqynnyń bul oi-pikirin «ózara úilesimge qol jetkizý úshin adamzatqa súiispenshilik, raqymshylyq, batyl áreketter jáne baiyptylyq kerek» dep túsinýge bolady», - dedi Qasym-Jomart Toqaev.
