videodan alynǵan kadr
Qasym-Jomart Toqaev Jedel shtab otyrysynda Abai oblysynyń ákimi Nurlan Uranhaevqa óz mindetin tiisti deńgeide atqarmaǵany úshin sógis jariialady, dep habarlaidy "Ult aqparat" Aqordanyń baspasóz qyzmetine silteme jasap.
«Qatelik kóp. Shuǵyl árekettiń jetispeýi, máseleden syrt qalýyńyz osy apatqa ákeldi. Ózińiz de oqiǵa ornyna kesh jetkenińizdi maǵan baiandadyńyz. Sondyqtan jergilikti atqarýshy organnyń jumysyna kóńilim tolmaidy. Túsinemin, oblys endi quryldy, siz – jańa ákimsiz. Osy sebepti ǵana sizge sógis jariialaimyn. Negizi, mundai qatelik úshin birden qyzmetten bosatý kerek.
On tórt adamnan aiyrylyp qaldyq. Bul ne sizge, oiynshyq pa? Olar qyzmettik boryshyn atqara júrip qaza tapty. Qazir sizdiń mindetińiz – Úkimetpen birge meniń azamattarǵa bergen barlyq ýádemniń oryndalýyn qadaǵalaý. Sóz ben is qabysý kerek. Iá, men kóńil aittym. Biraq adamdarǵa naqty kómek kórsetilýge tiis» - dedi Prezident.
video: QazAqparat
