Foto: primeminister.kz
Memleket basshysynyń tapsyrmasymen jańa oqý jylynda elimizde «Jaily mektep» aýqymdy ulttyq jobasy aiasynda salynǵan alǵashqy mektepter ashyldy. Premer-Ministrdiń birinshi orynbasary Roman Skliar Astana qalasyndaǵy №99 mekteptiń ashylý saltatanatyna qatysty.
Alǵashqy qońyraý saltanatynda sóz sóilegen vitse-premer oqýshylardy Bilim kúnimen quttyqtady.
«Barshańyzdy búgingi erekshe mereke – Bilim kúnimen shyn júrekten quttyqtaimyn! Mektep bul bilim ordasy, osy jerde Sizderge sapaly bilim jáne sanaly tárbie alý úshin barlyq qolaily jaǵdai jasalyp otyr. Mektepte sáýletine sai sapaly tárbie men bilim beriledi dep senemiz. Ol úshin mektep basshylary men pedagogter ujymy barlyq kúsh-jigerin jumsaityny anyq», — dep atap ótti Premer-Ministrdiń birinshi orynbasary.
Esterińizge sala keteiik, «Jaily mektep» ulttyq jobasy Memleket basshysynyń bastamasymen júzege asyrylyp otyr. Oqýshy orny tapshylyǵy máselesin sheshýge jáne qala men aýyl mektepteri arasyndaǵy alshaqtyqty azaitýǵa baǵyttalǵan jobada fýnktsionaldy jáne qaýipsiz bilim berý ortasyn qurýǵa erekshe nazar aýdarylady. Bastaýysh jáne joǵarǵy synyp oqýshylary úshin bólek bloktar qarastyrylǵan. Sondai-aq tehnikalyq quraldar engizý arqyly qaýipsizdik sharalaryn arttyrý, erekshe bilim berýdi qajet etetin balalar úshin kedergisiz orta qalyptastyrý, mektepti zamanaýi pándik kabinettermen jabdyqtaý talap etiledi.
