Premer-Ministr Asqar Maminniń tóraǵalyǵymen QR Prezidenti janyndaǵy Tótenshe jaǵdai rejimin qamtamasyz etý jónindegi memlekettik komissiianyń selektorlyq otyrysy ótti, dep habarlaidy "Ult aqparat".
Elimizdegi sanitarlyq-epidemiologiialyq ahýal týraly densaýlyq saqtaý ministri E. Birtanov, eńbek naryǵyndaǵy jaǵdai jáne jumyspen qamtý sharalary týraly eńbek jáne halyqty áleýmettik qorǵaý ministri B. Nurymbetov, «Samuryq-Qazyna» UÁQ» AQ sharalary týraly Qordyń basqarma tóraǵasy A. Esimov, jumyspen qamtýdy qoldaý boiynsha biznes qaýymdastyq usynǵan sharalar týraly «Atameken» UKP» basqarma tóraǵasy A. Myrzahmetov, óńirlerde jumyspen qamtý týraly Qaraǵandy, Qostanai, Pavlodar, Aqtóbe, Atyraý oblystarynyń, sondai-aq Nur-Sultan jáne Almaty qalalarynyń ákimderi baiandady.
«Qazaqmys» korporatsiiasy, «SSTKBÓB» AQ, NCOC jáne basqa da iri kásiporyndardyń basshylary jumys oryndaryn saqtaý sharalary týraly aqparatty jetkizdi.
«Syrtqy naryqtardaǵy jaǵymsyz dinamika aiasynda bizdiń basty basymdyǵymyz jumys istep turǵan óndiristerdi saqtaý, eksporttyq pozitsiialardy saqtap qalý bolyp otyr. Biz qazaqstandyqtardyń arasynda jumyssyzdyqtyń artýyna jol bermeý maqsatynda óndiristik protsesterdi basqarýda ikemdilikti qamtamasyz etýge tiispiz «, — dedi A. Mamin.
