Premer-ministr Álihan Smaiylov baǵany baqylaý jáne janarmai tapshylyǵyn boldyrmaý jónindegi komissiia qurýdy tapsyrdy, - dep habarlaidy Tengrinews.kz.
"Roman Vasilevichke (premer-ministrdiń orynbasary Roman Skliar - esk.) óz jetekshiligimen baǵany baqylaý jáne janar-jaǵarmai tapshylyǵyn boldyrmaý jónindegi turaqty komissiia qurýdy tapsyramyn. Ulttyq ekonomika ministrligi Básekelestikti qorǵaý agenttigi jáne ákimdiktermen birlesip baǵany negizsiz kótergen jaǵdaida tiisti shara qabyldaýdy qamtamasyz etsin", - dedi Smaiylov Úkimet otyrysynda.
Premer-ministr Indýstriia ministrligi, "QazMunaiGaz" jáne QTJ-ǵa munai óńdeý zaýyttarynan munai ónimderin ýaqytyly jóneltý boiynsha sharalar qabyldaýdy tapsyrdy.
"Sonymen qatar, tsifrlyq damý jáne energetika ministrlikteri dizel otynyn jetkizýdiń táýliktik limitterin baqylaýdyń aqparattyq júiesin engizýdi jedeldetýleri kerek", - dedi ol.
