Búgin Memleket basshysynyń tapsyrmasy boiynsha QR Premer-Ministri Baqytjan Saǵyntaev Prezidenttiń Qazaqstan halqyna Joldaýlarynda, memlekettik baǵdarlamalarda jáne Qaýipsizdik keńesiniń jýyrda ótken otyrysynda alǵa qoiǵan mindetteriniń oryndalý barysymen tanysý úshin Jambyl oblysyna jumys saparymen keldi, dep habarlaidy "Ult aqparat".
Bilim berý, densaýlyq saqtaý, TKSh salalaryndaǵy kórsetiletin qyzmetter sapasyn arttyrý, baǵa belgileý aiqyndyǵyn qamtamasyz etý jáne óńirde tarifterdi tómendetý boiynsha qabyldanyp jatqan sharalarǵa basa kóńil bólinedi.
Oblys ortalyǵynda Premer-Ministr bilim berý, densaýlyq saqtaý salasyndaǵy qyzmetkerlermen, óńirlik biznes qaýym ókilderimen birqatar kezdesýler ótkizedi. Kún tártibinde — meditsinalyq qyzmetter sapasyn jaqsartý, oblysta kórsetiletin qyzmetter men dári-dármekter baǵasynyń qalyptastyrylý úrdisiniń ashyqtyǵy, bilimniń qoljetimdiligin arttyrý, bilikti kadrlar daiarlaý sapasy jáne odan ári jumysqa ornalasýyn qamtamasyz etý, kásipkerlikti damytý, Indýstriia 4.0 elementterin engizý arqyly óńdeý sektorynyń básekege qabilettiligin ulǵaitý jáne t.b.
Sapardyń basty maqsattarynyń biri — tarif saiasatynyń ashyqtyǵy máseleleri jáne Jambyl oblysynda tarifterdi tómendetý boiynsha qabyldanyp jatqan sharalar, atalǵan máseleler oblystyq monopoliiaǵa qarsy vedomstvonyń, óńirlik elektr jelisi kompaniiasynyń, monopoliia kompaniialarynyń, kommýnaldyq kásiporyndardyń jáne prokýratýranyń basshylarymen ótetin keńes barysynda qarastyrylady.
Sonymen qatar, jumys sapary barysynda Premer-Ministr birqatar ónerkásiptik jáne áleýmettik infraqurylym nysandaryn aralaidy, olardyń mysalynda óńirde «Nurly jer» jáne «7–20–25» turǵyn úi baǵdarlamalarynyń júzege asyrylýymen, meditsinalyq qyzmetter sapasymen, sýmen jabdyqtaý júiesiniń jańǵyrtylýymen, tsifrlandyrýdy engizý, ónerkásip jáne aýyl sharýashylyǵy salalarynyń damý barysymen tanysady.
Oblysqa kelgen boida B. Saǵyntaev «Kókjiek–2030» JShS sút ónimderin shyǵaratyn kásipornynyń jumysyn tekserip, AÓK damýymen jáne Prezidenttiń aýyl sharýashylyǵy ónimderin óńdeý kólemin arttyrý jónindegi tapsyrmalarynyń oryndalý barysymen tanysty. Búgingi tańda kásiporyn 40-tan astam sút ónimderiniń túrlerin shyǵarady. Jyl basynan beri 200 tonna sary mai, 500 tonna qurǵaq sút jáne basqa da sút ónimderi shyǵaryldy. «Kókjiek–2030» JShS basshysy Á. Begimbetovtyń aitýynsha biyl kásiporyndy jańǵyrtý aiasynda FRAU Impianti italiialyq kompaniiasynyń zamanaýi jabdyǵy satyp alynyp, iske qosyldy. Bul zaýyt qýattylyǵyn jylyna 25 myń tonna sútke deiin ulǵaitýǵa jol ashty.
Jambyl oblysy ákiminiń orynbasary M. Shókeev, óz kezeginde, óńirde aýyl sharýashylyǵyn damytý kórsetkishteri men perspektivalary týraly baiandady. Máselen, qańtar–qyrkúiek ailarynda aýyl sharýashylyǵynyń jalpy ónim shyǵarylymy 190,5 mlrd teńgeni qurady, bul 2017 jyldyń sáikes kezeńimen salystyrǵanda 4,2% joǵary. Aýyl sharýashylyǵynyń negizgi kapitalyna salynǵan investitsiialar ótken jyly 63,9%-ǵa ósip, 19,3 mlrd teńgeni qurady, onyń ishinde azyq-túlik ónimderi óndirisine investitsiialar 26,5%-ǵa artyp, 5 mlrd tg qurady.
Azyq-túlik ónimderine baǵany turaqtandyrý jumystary aiasynda 54 áleýmettik dúken arqyly arzan baǵamen 1,2 mlrd teńgege 810 tonna taýar satyldy. Jyl basynan beri turaqtandyrý qorynan oblystyń barlyq aýdandaryna 398 mln teńgege 296 tonna taýar satyldy. Oblysta 169 aýyldyq jármeńke ótkizildi. 2019 jyly taýarlardy tikelei óndirýshilerden tutynýshylarǵa satý úshin 20 kiosk jáne kommýnaldyq naryqty jańǵyrtý kózdelgen.
Aýyl sharýashylyǵy ministrliginiń derekterine sáikes, Jambyl oblysynda qabyldanyp jatqan sharalardyń arqasynda osy jyldyń qańtar–qyrkúiek ailarynda ótken jyldyń sáikes kezeńimen salystyrǵanda naqty máninde ósimdik maiynyń óndirisi 2,2 esege, keptirilgen nan men pechene — 93,3%-ǵa, shokolad — 2,7 ese, makaron — 0,8%, shujyq ónimderi 2,6%-ǵa, óńdelgen sút 17,3%-ǵa, qyshqyl sút ónimderi 0,6%-ǵa, irimshik pen súzbe — 17,2%-ǵa, balmuzdaq 54%-ǵa artty.
1 qazandaǵy jaǵdai boiynsha oblysta IQM basy sanynyń ótken jyldyń sáikes kezeńimen salystyrǵanda 9,5%-ǵa ósirý úrdisi baiqaldy. Et óndirisi 3,8% artyp, 44,1 myń tonnany, siyr súti 2,8%-ǵa 246,5 myń tonnaǵa deiin, taýyq jumyrtqasy 5,5%-ǵa 99,5 mln danaǵa deiin ósti. Toǵyz aidyń qorytyndysy boiynsha siyr etiniń eksport kólemi 640,9 tonna qurady. Biyl Jambyl oblysynda maldy qystaýǵa 1502 myń tonna shóp daiyndaldy, 107% qamtamasyz etý, pishindeme — 44,4 myń tonna (95%) jáne súrlem — 56 myń tonna (125%).
2018 jyly oblysta egistik alqaby 669,1 myń gektardy qurady, bul ótken jylǵydan 38,9 myń gektarǵa artyq. 9 qarashadaǵy jaǵdai boiynsha oblys dándi daqyldardy tolyq jinap alǵan. 299,2 myń gektar nemese egis alqaby 100%-ǵa jinalǵan. 26,5 ts/ga ónimdiligimen 791,7 myń tonna astyq bastyryldy. 12 qarashadaǵy jaǵdai boiynsha oblystyń fermerlerine 20 myń tonna sýbsidiialanǵan tyńaitqysh úlestirilgen, bul 2017 jyldyń kórsetkishten 2,9 myń tonnaǵa (nemese 17%-ǵa) artyq.
Óz kezeginde, aýyl sharýashylyǵy birinshi vitse-ministri A. Evniev sońǵy aptalarda Jambyl oblysynda sábiz jáne piiazdan basqa barlyq áleýmettik mańyzy bar azyq-túlik ónimderiniń shamaly óskenin atap ótti.
Osyǵan bailanysty, áleýmettik mańyzy bar azyq-túlik taýarlarynyń baǵasyn turaqtandyrý maqsatynda azyq-túlik taýarlarynyń óńirlik turaqtandyrý qorlary qurý qolǵa alynyp jatyr. Biylǵy jyldyń 8 qarashasyndaǵy jaǵdai boiynsha, Turaqtandyrý qoryndaǵy azyq-túlik ónimderiniń balansy 5 459 tonnany quraidy, onyń ishinde 1445 tonna kókónis, 448 tonna birinshi surypty un, 60 tonna qaraqumyq, 55,48 tonna ósimdik maiy bar. Sonymen birge, AÓK salymdary men shottarynda 392,837 myń teńge kóleminde qarajat bar.
Eske sala keteiik, QR Premer-Ministri Memleket basshysynyń tapsyrmasymen el óńirlerin jumys saparymen aralap júr. Osyǵan deiin Baqytjan Saǵyntaev Atyraý, Aqtóbe, Qaraǵandy, Qostanai, Qyzylorda, Mańǵystaý, Túrkistan, Aqmola, Batys Qazaqstan, Soltústik Qazaqstan, Pavlodar, Shyǵys Qazaqstan jáne Almaty oblystarynda jumys saparlarymen boldy.
