Almaty oblysyna jumys sapary aiasynda QR Premer-Ministri Askar Mamin Taldyqorǵan qalasynyń damýymen tanysty, sondai-aq azamattardyń ál-aýqaty deńgeiin arttyrýǵa arnalǵan áleýmettik nysandardy aralady jáne óńirde indýstriialandyrýdyń damýymen tanysty, dep habarlaidy primeminister.kz.
Nysandardy aralaý kezinde Premer-Ministr óńirde Tuńǵysh Prezident – Elbasynyń «Áleýmettik qamkorlyq» bastamalarynyń, indýstriialyq-innovatsiialyq damý, «Nurly jol» infraqurylymdyq damý, «Nurly jer» turǵyn úi qurylysy memlekettik baǵdarlamalarynyń jáne «7-20-25» baǵdarlamasynyń, «Densaýlyq» densaýlyq saqtaý, sondai-aq AÓK, tsirflandyrý jáne týrizm salasynyń baǵdarlamalarynyń júzege asyrylý sapasyn tekserdi.
Salynyp jatqan turǵyn úi alabyn aralaý kezinde Premer-Ministr óńirde turǵyn úidiń qoljetimdiligin arttyrý jáne muqtaj jandardyń, onyń ishinde kóp balaly otbasylardyń baspana máselesin sheshý boiynsha qabyldanyp jatqan sharalarmen tanysty. Biyl mamyr aiynda 16 qabatty turǵyn úilerde 230 páterdi paidalanýǵa berý josparlanyp otyr. Turǵyn úi alabynyń janynda áleýmettik jobalardy iske asyrýǵa erekshe kóńil bólingen: turǵyn úilerdiń birinshi qabattarynda 50 oryn qarastyrylyp, onda meditsinalyq pýnktter ornalasatyn bolady. Sonymen qatar, klinikalyq-diagnostikalyq bólimniń ashylýy josparlanǵan.
«Áleýmettik qamkorlyq» áleýmettik bastamasyn iske asyrý aiasynda oblysta jalpy aýmaǵy 26 myń m2 bolatyn 420 páterlik 10 jalǵa beriletin turǵyn úi qurylysy josparlanǵan. Biyl jalpy aýmaǵy 19,4 myń m2 bolatyn 8 turǵyn úi paidalanýǵa beriledi, bul 300 otbasyny, onyń ishinde kópbalaly otbasylardy da, pátermen qamtamasyz etýge múmkindik týdyrady. Jalpy, «7-20-25» memlekettik baǵdarlamasyn iske asyrý aiasynda oblysta 35 perspektivaly turǵyn úi alaby aiqyndalǵan. 2022 jylǵa deiin jalpy aýmaǵy 1 mln m2 bolatyn 1 myń úi salynady. Búgingi tańda ekinshi deńgeili bankter bul baǵdarlama boiynsha 145 ótinimdi maquldaǵan.
Sonymen qosa, satyp alatyn turǵyn úii úshin bastapqy jarnany tóleýde oblys azamattaryna áleýmettik kómek kórsetý úshin jergilikti biýdjetten 1 mlrd teńge bólingen. Bul kómek kóp balaly otbasylarǵa, meditsina qyzmetkerleri, muǵalimder, politsiia qyzmetkerleri bolyp tabylatyn biýdjet salasynyń qyzmetkerlerine kórsetiletin bolady. Tólemder tóleýdi bastaý úshin barlyq qajetti rásimder júrgizildi, qarajat aýdandarǵa baǵyttaldy, olardy biyl naýryz aiynyń sońynda – sáýir aiynyń basynda berý kózdelgen. Turǵyn úidiń qoljetimdiligin arttyrý maqsatynda sonymen qatar azamattarǵa jeke turǵyn úi salý úshin tiisti injenerlik infraqurylym júrgizýmen jer telimderi usynylady.
Osynda Premer-Ministrge qalany abattandyrý jospary usynylyp, qurylys barysy týraly baiandaldy. Atap aitqanda, óńirlik jáne qalalyq gazdandyrý sulbalaryn iske asyrý máseleleri qaraldy.
Óńirde meditsinalyq qyzmetterdiń qoljetimdiligi men sapasyn kóterý boiynsha qabyldanyp jatqan sharalarmen A. Mamin kópbeiindi aýrýhana jumysynyń mysalynda tanysty. Magnitti-rezonansty tomografiia kabineti men ótken jyldyń jeltoqsan aiynda ashylǵan ahýal ortalyǵy qaraldy. Jańa tehnologiialardyń arqasynda, Ortalyq onkologiialyq aýrýlardy erte satysynda anyqtaýǵa, sonymen qatar paiyzdyq qatynasynda olardyń yqtimaldyǵyn aiqyndaýǵa múmkindik beredi. Kúnine ortalyqta 10-15-ke jýyq emdelýshi tekserýden ótedi. Barlyq kabinetter joǵary kásibi diagnostikalyq montorlarmen jabdyqtalǵan, jasandy intellektini qosý máselesi pysyqtalyp jatyr. Ortalyqta biryńǵai aqparattyq júiemen oblystaǵy 13 meditsinalyq mekeme biriktirilgen, bul kompiýterlik, magnitti-rezonansty tomografiiany, rentgenografiiany t.b. tekserýlerdi qosa alǵanda, barlyq radiologiialyq tekserýlerdi ortalyqtandyrýǵa múmkindik beredi.
Premer-Ministrge sonymen qatar meditsinalyq uiymdar jelisin damytý, meditsinalyq mekemelerdi tsifrlandyrý jáne tehnikalyq jaraqtandyrý, sonymen qatar kadrlyq áleýetin arttyrý jáne dárigerlerdiń júktemesin azaitý týraly baiandaldy.
Máselen, 2018 jyly 18 densaýlyq saqtaý nysanynyń qurylysy bastalǵan, onyń 15-i qazirgi tańda paidalanýǵa berilgen. Jalpy, ótken jyldyń qorytyndysy boiynsha oblysta jalpy ólim-jitim 2%-ǵa, sábiler ólim-jitimi 7%-ǵa, qan ainalymy júieleri aýrýlarynan ólim-jitim 7,9%-ǵa, týberkýlezden ólim-jitim 12,5%-ǵa, qaterli isikterden ólim-jitim 1,5%-ǵa tómendegen.
Oblys ortalyǵynda A. Mamin sonymen qatar «Taldyqorǵan» indýstriialyq aimaǵyn aralady, búgingi tańda munda aýyl sharýashylyǵy, qurylys, himiia jáne tamaq ónerkásibi salalarynda iri jobalar iske asyrylyp jatyr. Bul jerge 1,6 myń jumys ornyn ashýmen barlyǵy 70-ke jýyq kásiporyndy ornalastyrý kózdelip otyr. Premer-Ministrge sonymen qatar Almaty oblysynda alty indýstriialyq aimaqtyń («Taldyqorǵan», «Bereke», «Boroldai», «Qairat», «Arna» jáne «Qazbek bek») damý jobalary tanystyryldy. Oblys ákimdiginiń málimetterine sáikes, investitsiialyq nysandar ornalastyrylatyn aýmaqtar injenerlik infraqurylymmen qamtamasyz etilgen. Barlyq nysandar qurylysyn 2020 jyly aiaqtaý kózdelip otyr. Jalpy, indýstriialyq aimaqtar aýmaqtarynda 8 myńǵa jýyq jumys ornyn qurýmen 300-den astam kásiporyn ornalastyrý múmkindigi bar.
Indýstriialandyrýdyń damýymen tanysý «Qainar AKB» akkýmýliator shyǵarý zaýytynda jalǵasty. A. Mamin jumys tsehtaryn aralaý kezinde tehnologiialyq protsespen jáne shyǵarylatyn ónim jelisimen tanysty. Zaýyt buryn qoldanysta bolǵan akkýmýliatorlardy qaita óńdeitin jańa jabdyqtarmen jaraqtalǵan. Kásiporyn avtomatty rejimde akkýmýliator batareialardy qurastyrýmen ainalysady. Sonymen qatar munda qorǵasyn lentalar men elektrodty plastinalar óndiriledi. Zaýyttyń qýattylyǵy jylyna 3 mln birlikti quraidy.
Taldyqorǵan qalasyna jumys saparynyń sońynda A. Mamin Kásipkerlerge qyzmet kórsetý ortalyǵyna baryp, onda qyzmet kórsetý boiynsha jumystarmen jáne ShOB damý qarqynymen tanysty. Sonymen qatar, Premer-Ministrdiń nazaryna qalanyń áleýmettik-ekonomikalyq damýy, onyń ishinde týrizmdi, AÓK, Almaty q. mańyn damytý boiynsha jobalar usynyldy. Budan ózge, Almaty oblysynyń Áleýmettik kartasy tanystyryldy.
