QR Premer-Ministri Asqar Mamin jumys saparymen Túrkistan oblysyna jáne Shymkent qalasyna bardy, dep habarlaidy primeminister.kz.
QR Premer-Ministri Asqar Mamin Túrkistan oblysyna jáne Shymkent qalasyna jumys sapary barysynda Túrkistan qalasynyń tirshilikti qamtamasyz etý nysandarynyń jumysymen, kólik infraqurylymymen jáne salynýymen tanysty.
Túrkistanda QR Premer-Ministri oblys ortalyǵynyń salynýyn tekserdi.
QR Úkimetiniń basshysy jańa halyqaralyq áýejai qurylysynyń bastalýymen tanysty. Nysan oblys ortalyǵynan 16 shaqyrym qashyqtyqta ornalasqan jáne 2020 jyly jeltoqsan aiynda paidalanýǵa beriletin bolady. Terminaldyń ótkizý qabileti jylyna 3 mln jolaýshyny quraityn bolady dep josparlanǵan.
QR Premer-Ministrine 610 tósek-oryndyq bolashaq kópbeiindi oblystyq meditsinalyq ortalyq jobasy tanystyryldy. Jańa aýrýhanany memlekettik-jekeshelik áriptestik aiasynda sheteldik jáne otandyq investorlar birigip salatyn bolady.
Asqar Mamin bólimderdiń ornalasý sulbalaryn kórdi. Biryńǵai ortalyq aýmaǵynda jedel meditsinalyq járdem stantsiiasy, onkologiialyq jáne radiologiialyq ortalyq, sonymen qatar jańa týǵan nárestelerge arnalǵan intensivti terapiia bólimi jumys isteitin bolady, bul bólim sábiler ólim-jitimin azaitýǵa múmkindik beredi.
Odan soń Asqar Mamin oblys ortalyǵynyń qurylysy barysyn tekserip, ákimshilik, áleýmettik, mádeni-tarihi maqsattarda salynyp jatqan nysandardy kórdi.
QR Úkimetiniń basshysy oblys ákimdigi, media ortalyq, kongress-holl, «Nur-Sultan» alańy, halyqqa qyzmet kórsetý ortalyǵy ǵimarattarynyń qurylys alańyn aralady. Áleýmettik maqsattaǵy nysandardyń ishinen Asqar Mamin sport jáne mýzyka mektepteriniń, týristik baǵyttaǵy kolledjdiń, stadionnyń, oqýshylar jáne sport sarailarynyń salyný barysyn kórdi. Sonymen qatar, salynyp jatqan Qazaq drama teatry, neke saraiy ǵimarattaryn, sondai-aq attraktsiondary bar parkti, mýzykalyq fontan men amfiteatrdy aralady.
Qalanyń tarihi-mádeni ortalyǵynda QR Premer-Ministri Q.A. Iassaýi mýzeiin, «Uly dala Eli» ortalyǵyn, oblystyq ǵylymi-ámbebap kitaphananyń, Shyǵys monshasynyń salynýy, Uly Jibek jolynyń qolónershileriniń Ulttyq ortalyǵy ǵimaratyn, vizit ortalyǵyn rekonstrýktsiialaý, Kúltóbe qalashyǵynyń tarihi nysandaryn restavratsiialaý boiynsha atqarylyp jatqan jumystar barysyn tekserdi.
Budan basqa, QR Premer-Ministri jańa saiabaq pen qalalyq Arbat salynyp jatqan qurylys alańdaryn aralady.
Shymkentte QR Úkimetiniń basshysy qalalyq káriz-tazartý júieleriniń aýmaǵynda bolyp, aǵyn sýlardy tazartý júiesiniń jáne jaýyn-shashyn sýlarynan elektr energiiasyn óndirý úshin óńdeitin keshenniń (biogaz qurylǵysynyń) jumysyn kórdi.
QR Premer-Ministri «Shymkent Bus» birinshi avtobýs parkin aralady, onda qalalyq jolaýshylar tasymalyn uiymdastyrý jáne jergilikti qoǵamdyq kóliktiń jyljymaly quramyn jańartý týraly baiandaldy.
