Premer-ministr Álihan Smaiylov Tsifrlyq damý, innovatsiialar jáne aeroǵarysh ónerkásibi ministri Baǵdat Mýsinnen 3 tamyzda elektrondy Úkimet jumysyn toqtatqan aqparattyq júielerdegi aqaý týraly surady, - dep habarlaidy Tengrinews.kz.
Smaiylov ministrge aqaý elektrondy úkimet infraqurylymyn bir táýlikten asa ýaqytqa toqtatqanyn eske salyp, aqparattyq tehnologiialardyń úzdiksiz jumys isteýi úshin qandai sharalar qabyldanyp jatqanyn surady.
Baǵdat Mýsin memlekettik organdardyń serverlik ortalyǵynyń jumysynda qurylymdyq buzýshylyqtyń paida bolýyna birqatar aqparattyq júielerdiń isten shyǵýy sebep bolǵanyn aitty.
"Iá, shynynda da, 3 tamyzda memlekettik organdardyń serverlik ortalyǵynda qurylymdyq aqaý boldy. Biz bul aqaýdy tekserdik, taldadyq. Buǵan birqatar aqparattyq júielerdiń isten shyǵýy sebep boldy. Biraq azamattardyń derekteri qalpyna keltirildi", - dedi ministr.
Onyń aitýynsha, derekterdiń kóshirmesin jasaý jáne úkimettiń turaqty jumysyn qamtamasyz etý bastamasyn odan ári júzege asyrý josparlanyp otyr.
"Biz negizgi rezervtik derekterdi óńdeý ortalyqtary úshin derbes infraqurylym qurýdy josparlap otyrmyz. Aldyn ala tiisti sharalar qabyldanatyn bolady", - dep túiindedi sózin Baǵdat Mýsin.
