Foto ashyq derekkózden alyndy
Májilis tóraǵasy Erlan Qoshanov Premer-ministr laýazymyna kandidatýra qashan usynylatynyn aitty, dep habarlaidy "Ult aqparat".
«Premer-ministr laýazymyna kandidatty jaqyn kúnderi, múmkin erteń nemese arǵy kúni usynamyz. Qazir biz jalpy protsedýrany pysyqtap jatyrmyz. Prezidentpen kezdesýde usynyp, jalpy otyrysta kelisim beremiz. «AMANAT» kópshiliktiń daýysyn jinaǵan partiia retinde jaýapkershilikti óz moinyna alady. Ony Prezident te aitty», - dedi Qoshanov.
Aita keteiik, búgin, 29 naýryzda Prezident Qasym-Jomart Toqaevtyń Qaýlysymen Úkimettiń ókilettigi toqtatyldy. Ministrler kabineti Úkimettiń jańa quramy bekitilgenge deiin óz mindetterin atqara beredi.
Konstitýtsiianyń 70-baby 1-tarmaǵy men "Qazaqstan Úkimeti týraly" konstitýtsiialyq zańynyń 4-baby boiynsha jańadan sailanǵan Parlament Májilisiniń aldynda Úkimettiń ókilettigi aiaqtalady.
