QR Premer-Ministri Asqar Mamin barlyq óńirge turǵyn úi-kommýnaldyq qyzmetter salasynda elordanyń Iqala jobasy úlgisimen tiimdi sheshimder engizý qajettigin aitty, dep habarlaidy "Ult aqparat".
«Memleket basshysy jyl sońyna deiin memlekettik qyzmetterdiń 90 paiyzyn elektrondyq formatqa aýystyrý mindetin qoidy. Qazirgi epidemiologiialyq jaǵdaida biznes-protsester aitarlyqtai jeńildetildi. Halyqqa qyzmet kórsetý ortalyqtarynyń jumys formaty ózgertildi, artyq qujattar talap etilmeitin boldy. Mobildi qosymshalarmen kórsetiletin qyzmetterge suranys artty», - dedi Asqar Mamin Úkimet otyrysynda.
Onyń aitýynsha, qoǵamdyq monitoring nátijesinde elektrondyq qyzmetterdiń sapasy boiynsha eń ozyq óńirler Aqmola, Qyzylorda, Qaraǵandy, Qostanai jáne Batys Qazaqstan oblystary bolyp otyr. Al Almaty oblysy men Shymkentte bul jumys tiisti deńgeide emes.
«Barlyq jergilikti atqarýshy organdar memlekettik qyzmetter kórsetý sapasyna qanaǵattaný deńgeiin keminde 80 paiyzǵa jetkizýi tiis, al turǵyn úi-kommýnaldyq qyzmetter boiynsha salada astanalyq Iqala jobasy úlgisimen tiimdi sheshimder engizý qajet. Bul jumysty belsendi júrgizý qajet. Sondyqtan Tsifrlyq damý jáne Eńbek ministrlikteri usynyp otyrǵan sharalardy qoldaimyn. Halyqqa bizdiń jumystyń naqty nátijesi qajet», - dedi Asqar Mamin.
