.jpg)
Premer-Ministri Asqar Mamin jumys saparymen Qaraǵandy oblysyna baryp, onda jańa óndiris oryndary men áleýmettik-mádeni infraqurylym nysandarynyń jumysyn bastap berdi. Sondai-aq óńir turǵyndaryna memlekettik nagradalardy tabystady, dep habarlaidy "Ult aqparat" primeminister.kz saityna silteme jasap.
A. Mamin Qazaqstan Respýblikasy Táýelsizdiginiń 30 jyldyǵyna arnalǵan saltanatty sharada sóilegen sózinde Qaraǵandy oblysynyń joǵary ekonomikalyq áleýetke ie ekenin jáne elimizdiń áleýmettik-ekonomikalyq damýyna úlken úles qosyp otyrǵanyn atap ótti.
1991 jyldan bastap jalpy óńirlik ónim 24 ese ósti. Qaraǵandylyq kásiporyndar eldegi tas kómirdiń 34%-dan astamyn, temir keniniń 14,5%-yn, mys kenin óndirýdiń 28%-yn, jalpaq prokat pen marganets kenderiniń 100%-yn, tazartylǵan mystyń 82%-yn, tazartylǵan kúmistiń 32,7%-yn jáne tazartylǵan altynnyń 11,1%-yn óndiredi.
Oblys QR-daǵy barlyq óńdelgen ónimniń besten bir bóligin (nemese 21%) shyǵarady jáne elimizde jetekshi oryn alatyn qýatty indýstriialyq ortalyq bolyp sanalady.
Indýstriialandyrý baǵdarlamasy óńirde buǵan deiin shyǵarylmaǵan, qosylǵan quny joǵary ondaǵan jańa ónim túrin óndirýdi uiymdastyrýǵa múmkindik berdi.
Oblysta sheteldik seriktestermen birlesip jolaýshylar avtobýstaryn, karerlik jáne jol tehnikasyn qurastyrý jobalary iske asyrylyp jatyr. Jyl saiyn 1100 avtobýs pen 400 birlik arnaiy tehnika jáne arnaiy kólik shyǵarý josparlanyp otyr.
Ishki jáne eksporttyq naryqtarda keiinnen ótkizý maqsatynda jylyna 3,5 mln dana jeńil, jeńil júk jáne júk kóligine arnalǵan avtomobil shinalaryn shyǵaratyn iri joba iske asyryla bastady. Keleshekte kásiporynnyń qýatyn jylyna 9 mln shinaǵa deiin keńeitý josparda bar.
Kólik infraqurylymy belsendi túrde jańǵyrtylyp jatyr, balabaqshalar, mektepter, meditsina jáne sport obektileri salynýda. Táýelsizdik jyldary 8 mln sharshy metr turǵyn úi salyndy.
Oblystyń áleýetin odan ári damytý aiasynda 2025 jylǵa deiin qurylys, metallýrgiia, himiia ónerkásibi, energetika, taý-ken metallýrgiia kesheni, qurylys materialdary óndirisi, mashina jasaý jáne t. b. perspektivaly salalarda jalpy somasy 3,5 trln teńge bolatyn 150-den astam mańyzdy investitsiialyq jobany iske asyrý kózdelgen.
Memleket basshysy Qasym-Jomart Toqaevtyń Jarlyǵyna sáikes, QR Premer-Ministri A. Mamin Táýelsizdik kúnine orai Qaraǵandy oblysynyń aýyl sharýashylyǵy jáne ónerkásip kásiporyndarynyń basshylary men jumysshylaryna, memlekettik qyzmetshilerge, bilim jáne ǵylym, densaýlyq saqtaý, mádeniet salalarynyń qyzmetkerlerine jáne kásipkerlerge memlekettik nagradalardy tabystady.
III dárejeli «Barys» ordenimen «YDD Corporation» JShS quryltaishysy Erlan Nyǵmatýlin, «Qurmet» ordenimen – Qaraǵandy qalasynyń №2 kópsalaly aýrýhanasynyń direktory Arystan Maǵzumov, «Jáirem taý-ken baiytý kombinaty» AQ basqarma tóraǵasy Sergei Bartosh, eńbek ardageri Erlan Smaiylov, «Qaraǵandy farmatsevtikalyq kesheni» JShS bas direktory Sergei Baron, Á. Moldaǵulova atyndaǵy oblystyq olimpiada rezerviniń mamandandyrylǵan mektep-internat-kolledjiniń jetekshisi Erden Halilin marapattaldy.
III dárejeli «Eńbek dańqy» ordenimen «ArselorMittal Temirtaý» AQ KD «Tentek» shahtasynyń taý-ken jumysshysy Bahtiiar Mýrzalin, «Qazaqmys korporatsiiasy» JShS filialy – «Jezqazǵantústimet» ÓB kran mashinisi Ulmash Tańqybaeva, «Qurylysmet» JShS elektr dánekerleýshisi Rinat Hairýllin marapattaldy.
«Eren eńbegi úshin» medalimen «Miras» ShQ basshysy Sámet Babaqov, Qaraǵandy akademiialyq mýzykalyq komediia teatrynyń ártisi Anna Bespalova, Qaraǵandy oblysy ishki saiasat basqarmasynyń «Rýhani jańǵyrý» óńirlik jobalyq keńsesiniń basshysy Aitbai Jumaǵulov, «Suńqar 2015» JShS basshysy Viktor Letýta marapattaldy.
«Shapaǵat» medalimen Qaraǵandy qalasynyń №5 emhanasynyń direktory Maral Baiazitova jáne professor H. J. Maqajanov atyndaǵy kópsalaly aýrýhananyń neirohirýrgiia ortalyǵynyń jetekshisi Ǵabit Mahambaev marapattaldy.
QR Qurmet gramotasy Úshtóbe tirek mektebiniń direktory Sáýle Artyqbaevaǵa tabystaldy.
Jumys sapary barysynda Úkimet basshysy «Forever Flourishing (Middle Asia) Pty Ltd» JShS jobasynyń II kezeńi – bolat prokaty men shvellerler shyǵarý jelisin iske qosý rásimine qatysty. Óndiris qýaty jylyna 90 myń tonna ónimdi quraidy. Joba elimizdiń qurylys salasyn bolat prokatymen qamtamasyz etýge jáne óńdeý ónerkásibiniń eksporttyq áleýetin arttyrýǵa múmkindik beredi.
Premer-Ministr Saran qalasyndaǵy «Saran» indýstriialyq aimaǵyna baryp, onda «Allur» jáne «Tatneft» tobynyń jylyna 3,5 mln shina shyǵaratyn «KamaTyresKZ» shina zaýytyn salý jónindegi birlesken jobasynyń iske asyrylý barysymen tanysty. «Tatneft» JAQ bas direktory Nail Maganov búgingi kúni jobalaýdyń 78%-ǵa jáne qurylys-montajdaý jumystarynyń 20%-ǵa oryndalǵanyn baiandady. Qurylysty 2022 jyldyń IV toqsanynda aiaqtaý josparlanǵan. Kásiporyn 1100-den astam jańa jumys ornyn ashady.
Úkimet basshysyna Resei Federatsiiasynyń eń iri shina ónerkásibi kásipornynda Nijnekamskide (Tatarstan) oqyp jatqan bolashaq zaýyt mamandary shyǵarǵan alǵashqy shina kórsetildi.
Sondai-aq A. Mamin aýdany 12 myń sharshy metrge jýyq jańa Oqýshylar saraiyna bardy, onda balalardyń ǵylymi-tehnikalyq, mýzykalyq-estetikalyq, psiholingvistikalyq, kórkemdik jáne basqa da baǵyttaǵy úiirmelerge qatysýy úshin jaǵdailar jasalǵan.
