© Photo: Pixabay / Edar
Premer-ministr Álihan Smailov infliatsiia naýryz aiynda tómendeitinin aitty, dep habarlaidy Sputnik Qazaqstan.
"Bizdińshe, naýryz aiynda infliatsiianyń qarqyny báseńdeidi. Sodan bastap bazalyq mólsherlemeni túsirý kerek. Sol kezde kreditter biznes úshin barynsha qoljetimdi bolady", - dedi Smaiylov Saýda jáne integratsiia ministrliginiń keńeitilgen alqa otyrysynda.
Eske sala keteiik, búgin Ulttyq banktiń tóraǵasy Ǵalymjan Pirmatov 2022 jyldyń qorytyndysy boiynsha Qazaqstanda jyldyq infliatsiia 20,3%-ǵa jetkenin málimdedi.
"Jyldyq mánde infliatsiia 20,3%-ǵa jetti. Azyq-túlik baǵasynyń ósýi infliatsiiaǵa zor úles qosyp, jyldyq kórsetkish boiynsha 25,3%-ǵa jetti. Jemis-jidek pen kókónis ónimderi qys maýsymyna bailanysty qymbattady", - dedi Pirmatov Úkimet otyrysynda.
Al azyq-túlikke jatpaityn infliatsiia 19,4%-ǵa deiin ósken. Importtyń joǵary úlesi bar taýarlar, onyń ishinde jeke paidalanatyn taýarlar, jýatyn jáne tazalaityn zattar, qurylys materialdary, dári-dármek baǵasy edáýir ósken.
