Úkimet otyrysynda QR Premer-Ministri Baqytjan Saǵyntaev tegin beriletin dári-dármektiń artyǵymen satyp alynýyn synǵa aldy, dep habarlaidy "Ult aqparat".
«Qazirgi ýaqytta dári-dármekterdi óte kóp mólsherde alyp júrmiz. Iaǵni, shyn máninde qansha dári qajet ekendigin bilmeimiz. Artyq aqsha jumsap satyp alamyz da bárin qoimaǵa jinaimyz. Osylaisha, shyǵynyna ushyrap otyrmyz. Ár óńirge qajetti dári-dármek sanyn bilmeimiz. Qai dárige, qai aýrýhanadan, emhanadan ótinim qalai tústi sol qalpynda qarastyramyz. Mine, Qyzylorda, Mańǵystaý oblysynyń halqy dári-dármektiń 50 protsentin ala almai otyr, iaǵni dári-dármek artylyp qaldy. Oblystarda dári-dármek shyǵyny 1 mlrd teńgege deiin shyǵyp jatyr. Osy máseleni, Eljan Amantaiuly (Birtanov, QR Densaýlyq saqtaý ministri - avt.) muqiiat qadaǵalańyz», - dep tapsyrdy Premer-Ministr Úkimet otyrysyn qorytyndylaý sózinde.
Sonymen birge, Baqytjan Saǵyntaev densaýlyq saqtaý qyzmetterin qaita retteý máselelerine toqtaldy.
«Biylǵy bes jyldyń qorytyndysy boiynsha, densaýlyq saqtaý salasynda SQO-da birde-bir jeke kásiporyn ashylmaǵan. Qaraǵandyda - 4, Aqmola - 8, Almaty oblysynda - 9, Pavlodarda - 15. Astanada - 90, Almatyda - 57, Túrkistan - 43 jeke kásiporyn jumys isteýde. Osyǵan ákimder kóńil bólýi kerek. Múmkindiktiń bári jasaldy, endi jańa jumys oryndary ashylýy kerek, - dedi Úkimet basshysy.
