ٷكٸمەت وتىرىسىندا قر پرەمەر-مينيسترٸ باقىتجان ساعىنتاەۆ تەگٸن بەرٸلەتٸن دەرٸ-دەرمەكتٸڭ ارتىعىمەن ساتىپ الىنۋىن سىنعا الدى, دەپ حابارلايدى "ۇلت اقپارات".
«قازٸرگٸ ۋاقىتتا دەرٸ-دەرمەكتەردٸ ٶتە كٶپ مٶلشەردە الىپ جٷرمٸز. ياعني, شىن مەنٸندە قانشا دەرٸ قاجەت ەكەندٸگٸن بٸلمەيمٸز. ارتىق اقشا جۇمساپ ساتىپ الامىز دا بەرٸن قويماعا جينايمىز. وسىلايشا, شىعىنىنا ۇشىراپ وتىرمىز. ەر ٶڭٸرگە قاجەتتٸ دەرٸ-دەرمەك سانىن بٸلمەيمٸز. قاي دەرٸگە, قاي اۋرۋحانادان, ەمحانادان ٶتٸنٸم قالاي تٷستٸ سول قالپىندا قاراستىرامىز. مٸنە, قىزىلوردا, ماڭعىستاۋ وبلىسىنىڭ حالقى دەرٸ-دەرمەكتٸڭ 50 پروتسەنتٸن الا الماي وتىر, ياعني دەرٸ-دەرمەك ارتىلىپ قالدى. وبلىستاردا دەرٸ-دەرمەك شىعىنى 1 ملرد تەڭگەگە دەيٸن شىعىپ جاتىر. وسى مەسەلەنٸ, ەلجان امانتايۇلى (بٸرتانوۆ, قر دەنساۋلىق ساقتاۋ مينيسترٸ - اۆت.) مۇقييات قاداعالاڭىز», - دەپ تاپسىردى پرەمەر-مينيستر ٷكٸمەت وتىرىسىن قورىتىندىلاۋ سٶزٸندە.
سونىمەن بٸرگە, باقىتجان ساعىنتاەۆ دەنساۋلىق ساقتاۋ قىزمەتتەرٸن قايتا رەتتەۋ مەسەلەلەرٸنە توقتالدى.
«بيىلعى بەس جىلدىڭ قورىتىندىسى بويىنشا, دەنساۋلىق ساقتاۋ سالاسىندا سقو-دا بٸردە-بٸر جەكە كەسٸپورىن اشىلماعان. قاراعاندىدا - 4, اقمولا - 8, الماتى وبلىسىندا - 9, پاۆلوداردا - 15. استانادا - 90, الماتىدا - 57, تٷركٸستان - 43 جەكە كەسٸپورىن جۇمىس ٸستەۋدە. وسىعان ەكٸمدەر كٶڭٸل بٶلۋٸ كەرەك. مٷمكٸندٸكتٸڭ بەرٸ جاسالدى, ەندٸ جاڭا جۇمىس ورىندارى اشىلۋى كەرەك, - دەدٸ ٷكٸمەت باسشىسى.
