Búgin Úkimettiń selektorlyq rejimdegi otyrysynda QR Premer-Ministri Baqytjan Saǵyntaev elimizdiń Ishki ister ministrligine barlyq saýda ortalyqtarynda órt qaýipsizdigin tekserýdi tapsyrdy, dep habarlaidy Ult.kz tilshisi QazAqparat agenttigine silteme jasap.
«Nazar aýdaratyn taǵy bir másele, Reseidiń Kemerovo qalasynda oryn alǵan qaiǵyly jaǵdai barlyqtaryńyzǵa málim. Saýda ortalyǵynda órt bolyp, kóp adam qaza tapty, 60-tan asa. Onyń 35-i balalar. Elbasy resmi túrde Resei prezidentine kóńil aitty. Biz de bul tótenshe oqiǵadan sabaq alýymyz qajet», - dep atap ótti Úkimet basshysy.
Onyń dereginshe, qazirdiń ózinde bul másele áleýmettik jelilerde qyzý talqylanyp jatyr. Blogerler óz bastamalarymen saýda ortalyqtaryna baryp, evakýatsiiaǵa arnalǵan esikterdiń jabyq-ashyqtyǵyn tekserýde.
«Sol sebepten Ishki ister ministrligi men órtke qarsy qyzmetter ákimdiktermen birlesip, saýda ortalyqtarynda tekserý ótkizip, tiisti sharalar qoldanýy qajet. Asqar Uzaqbaiuly (QR Premer-Ministriniń birinshi orynbasary Mamin) sizdiń baqylaýyńyzda», - dedi Baqytjan Saǵyntaev.
