Búgin Atyraý oblysyna jumys sapary barysynda QR Premer-Ministri Baqytjan Saǵyntaev Atyraý qalasyndaǵy «Ulttyq indýstriialyq munai-himiia tehnoparki» arnaiy ekonomikalyq aimaǵyna baryp, onda polietilen óndiretin zaýytpen jáne gaz týrbinaly elektr stansasynyń qurylys jumystarymen tanysty, dep habarlaidy "Ult aqparat" primeminister.kz saityna silteme jasap.
Qazirgi tańda arnaiy ekonomikalyq aimaq aýmaǵynda 15 qatysýshy tirkelgen. 1 sáýirdegi jaǵdai boiynsha investitsiialardyń jalpy kólemi 339 mlrd teńgeni, onyń ishinde jeke investitsiialar — 269,8 mlrd teńgeni qurady. 1 300 astam jumys orny ashylǵan.
Baqytjan Saǵyntaev Údemeli indýstriialyq-innovatsiialyq damý memlekettik baǵdarlamasy aiasynda júzege asyrylǵan Polymer Production zaýytyn tekserý barysynda zaýyttyń jylyna shamamen 15 myń tonna polipropilen jabynyn shyǵarýǵa múmkindik beretin tehnologiiasymen tanysty. Óndiriste 371 adam jumys isteidi. Ótken jyly 2,2 mlrd teńgege ónim satyldy.
«Polimer Prodakshn» JShS basqarma tóraǵasy Azamat Júsipovtyń aitýynsha, búgingi tańda zaýyt polietilen jabynyn, biaksialdy–baǵyttalǵan polipropilen jabynyn, ártúrli qaptama túrlerin, sondai-aq syiymdylyǵy 25 jáne 50 kg bolatyn polipropilendi qaptar shyǵarady. Jeńil jáne azyq-túlik ónerkásibinde qoldanylatyn zaýyt ónimderi Qazaqstannyń barlyq óńirlerine jáne Reseige, Qyrǵyzstanǵa, Ózbekstanǵa eksporttalady. Bul aimaqtyń áleýmettik-ekonomikalyq damýyna kúshti mýltiplikativti áser berip, importty almastyrýǵa yqpal etedi.
«Nurly jol» infraqurylymdy damytý memlekettik baǵdarlamasy aiasynda salynyp jatqan gaz týrbinaly elektr stansasyn aralaý barysynda «Birikken himiialyq kompaniia» JShS basqarma tóraǵasy Jeńis Óserbai joba AEA aýmaǵyndaǵy iri investitsiialyq jobalardy 110 Kvt elektr qýatymen jáne joǵary qysymdy býmen qamtamasyz etýge múmkindik beretinin málimdedi. Jobany iske asyrý merzimi — 2014–2018 jyldar, onyń quny — 111 mlrd teńge. Zaýyt qýattylyǵy — 310 MVt, jumys oryndarynyń sany — 120.
Aita keteiik, Atyraý oblysyndaǵy «UIMHT» AEA aýmaǵy úsh ýchaskeden turady: Qarabatan (bazalyq munai-gaz himiia ónimderin: polipropilen, polietilen jáne t.b. shyǵaratyn negizgi óndirister), Teńiz (gaz bólgish qondyrǵy) jáne Atyraý q. (túpkilikti ónim: plastmassa jáne rezeńke tehnikalyq buiymdar jáne t.b. shyǵaratyn shaǵyn jáne orta biznestiń ónerkásiptik parki).
«UIMHT» AEA jobasy halyqaralyq standarttarǵa (ISO) sáikes innovatsiialyq, básekege qabiletti otandyq munai-himiia ónimderin jasaýǵa baǵyttalǵan. Jobanyń biregeiligi — óndiris ornynda munai-himiia óndiristerine mamandar daiarlanady.
Iske asyrý satysynda tórt joba bar:
-
KPI Inc. — jylyna 500 myń tonna polipropilen óndirý jobasy. Iske asyrý merzimi: 2017–2021 jyldar;
-
KLPE — polietilen óndirý jobasy.
-
Karabatan Utility Solutions — GTES gaz týrbinaly elektr stansasyn salý. Iske asyrý merzimi: 2016–2018 jyldar;
-
«Qazhimprodakshn» — jylyna 150 myń tonna tsiklogeksan óndirý jobasy. Iske asyrý merzimi: 2017–2021 jyldar.
«KLPE» JShS polietilen óndirý zaýyty Borealis iri transulttyq kompaniiasymen birlesip júzege asyrylýda. Yntymaqtastyqtyń negizgi sharttary týraly kelisimge Elbasynyń BAÁ-ǵa osy jyldyń 24 naýryzyndaǵy resmi sapary aiasynda qol qoiyldy. Joba quny — $2,6 mlrd, qýattylyǵy — jylyna 500 myń tonna polipropilen.
