28 qarashada Premer-Ministr Álihan Smaiylov ArcelorMittal kompaniiasynyń TMD boiynsha vitse-prezidenti Vidjai Goialmen jáne «ArselorMittal Temirtaý» AQ bas direktory Bidjý Nairmen kezdesti, dep habarlaidy "Ult aqparat" Úkimet basshysynyń baspasóz qyzmetine silteme jasap.
Álihan Smaiylov kásiporyn basshylyǵynyń nazaryn jumyskerlerdiń ólimi men jaraqattanýyna ákep soqtyryp jatqan ónerkásiptik qaýipsizdikti qamtamasyz etý salasyndaǵy eleýli kemshilikterge aýdardy. Sondai-aq kombinattyń ekologiiaǵa keltiretin zardaby týraly jáne óndiristi jańǵyrtýǵa baǵyttalatyn investitsiialar kóleminiń jetkiliksiz ekenin aitty.
Premer-Ministr jaǵdaidy túzetý úshin túbegeili sharalar qabyldaýdy talap etti.
Óz kezeginde Vidjai Goial «ArselorMittal Temirtaý» AQ jumysshylarynyń ólimine ákelgen jýyrdaǵy tótenshe jaǵdaiǵa bailanysty ókinishin bildirdi. Ol jaǵdaidy jeke ózi qarastyryp, túitkildi máselelerdi sheshý maqsatynda qosymsha sharalar paketin ázirleý úshin Qazaqstanǵa arnaiy kelgenin aitty.
Kezdesý qorytyndysy boiynsha Premer-Ministr kompaniia mindettemeleriniń oryndaýly Úkimettiń erekshe baqylaýynda bolatynyn atap ótti.
