Búgin fýtboldan Premer-liga komandalary arasyndaǵy Qazaqstan chempionatynyń tórtinshi týrynyń keiinge qalǵan oiynynda Qostanaidyń «Tobyly» elordalyq «Astanamen» kezdesti, dep habarlaidy "Ult aqparat".
Búgingi kezdesý tartysty ótti. Qos komanda shabýylǵa kóbirek kóńil bóldi. Oiynnyń 31-minýtynda qostanailyq jartylai qorǵaýshy Azat Nurǵaliev óziniń komandasyn alǵa shyǵardy.
Oiynnyń ekinshi kezeńinde elordalyq klýb tarazy basyn teńestirýge umtyldy. Soǵan qaramastan olar óz qaqpasyna gol jiberip aldy. Ony 57-minýtta Serikjan Mýjikov óziniń enshisine jazdy. Osylaisha «Tobyl» elordalyq klýbty 2:0 esebimen jeńdi.
Tórtinshi týrdaǵy Aqtaýdyń «Kaspiii» Almatynyń «Qairatynan» 0:3, Taldyqorǵannyń «Jetisýy» Shymkenttiń «Ordabasysynan» 2:3 esebimen jeńilgen edi.
Al Jambyl oblysynyń «Taraz» jáne Petropavldyń «Qyzyljar» komandalary 0:0 esebimen teń tarqasty. «Qaisar» komandasy «Shahterdi» 1:0 esebimen jeńdi.
