Túske deiin «Nur Otan» partiiasy Almaty qalalyq filialynyń 4 myńnan astam múshesi daýys berdi, dep habarlaidy "Ult aqparat".
Nur Otan partiiasynyń baspasóz qyzmetiniń málimetinshe, Almatynyń 8 aýdanynda nurotandyqtardyń daýys berýi belsendi ótip jatyr, olardyń basym bóligi Bostandyq aýdanynda turady, al praimerizge qatysýshylardyń kóbi – 45 kandidat Medeý aýdanynda tirkelgen.
«Jalpy, Almatyda partiianyń 58 721 múshesi bar, onyń ishinde aqparattyq júiede 52 929 adam avtorizatsiialandy. Bul jalpy sanynyń 90%-yn quraidy. Elektrondy daýys berý 3 qazanǵa deiin jalǵasady. Siz primaries.kz saitynda, mobildi qosymsha jáne daýys berý ýchaskelerindegi onlain-kabinetter arqyly tańdaǵan kandidatqa daýys bere alasyz. Daýys berýdiń sońǵy kúni bastaýysh partiia uiymdarynyń bazasynda sailaý ýchaskeleri ashylady. Almatyda olardyń sany 37», – dep habarlady «Nur Otan» partiiasy Almaty qalalyq filialynyń baspasóz qyzmeti.
Ýchaskelerdiń ornalasqan jeri týraly aqparatty «Nur Otan» partiiasy Almaty qalalyq filialynyń resmi akkaýntynan bilýge bolady.
.jpeg)