Qazaqstan Respýblikasy Táýelsizdiginiń 30 jyldyǵyn merekeleý aiasynda QR Cheh Elshiligi Ulttyq Akademiialyq kitaphanamen (Nur-Sultan) birlesip, ǵylymi-saraptamalyq ókilderiniń, qabyldaýshy eldiń buqaralyq aqparat quraldarynyń ókilderi qatysýymen onlain konferentsiia uiymdastyrdy, dep habarlaidy "Ult aqparat".
Qazaqstandyq diplomattar jinalǵandardy eldiń táýelsizdik jyldaryndaǵy saiasi jáne áleýmettik-ekonomikalyq damýynyń negizgi jetistikterimen, sondai-aq azamattardyń memleketke degen senimniń deńgeiin arttyrý baǵytynda júrgizilip jatqan reformalarmen egjei-tegjeili tanystyrdy.
«Qazaqstandaǵy oń ekonomikalyq ózgeristerdi kórip otyrmyn, bul naǵyz jetistik tarihy. Táýelsizdik jyldaryndaǵy ekonomikanyń ósýi tańǵaldyrady. Barlyq qiyndyqtardy jeńe otyryp, memleket óziniń damýynyń jańa deńgeiine jetip, jańa biikterge kóterildi. Búgin biz pandemiianyń álemdik ekonomikanyń damýyna ózindik iz qaldyrǵanyn kórip otyrmyz. Alaida, qazirgi qiyndyqtarǵa qaramastan, Qazaqstan óziniń ekonomikalyq ósý jolyn jalǵastyryp jatqanyn atap ótkim keledi, respýblikanyń 2025 jylǵa deiin eseptelgen óziniń naqty jáne rastalǵan strategiialyq damý jospary bar. Qazaqstannyń bolashaǵy zor ekenine senimdimin», -dedi chehiialyq ekonomist, belgili «E15» basylymynyń sholýshysy Ian Stolar.
Chehiialyq «Halo Noviny» basylymdarynyń jetekshileri Roman Ianoýh jáne «Ceske Noviny» Svetozar Plesnik óz sózderinde Qazaqstannyń saiasi rólin atap kórsetti.
«Búgingi kúni Qazaqstan halyqaralyq arenada bedeldi, qurmetti memleket. Dálel retinde 2017–2018 jyldardaǵy BUU Qaýipsizdik Keńesindegi Qazaqstannyń músheligi, oǵan álemdegi eń yqpaldy elder kiredi. Qazaqstan árqashan iadrolyq qarýsyzdanýǵa qatysty ár túrli usynystar jasap keledi, olar qazirgi kezde de óte mańyzdy. Sondai-aq, Qazaqstan álemge áigili «EKSPO» halyqaralyq kórmesin ótkizdi, onyń taqyryby «Bolashaq energiiasy» boldy. Búginde munai men gazdyń úlken qoryna ie Qazaqstan jańartylatyn energiia kózderine bet burdy», - dedi jýrnalit.
Sondai-aq, konferentsiiaǵa qatysýshylar qazaqstannyń memlekettiliginiń qalyptasý tarihy, Qazaqstan men Chehiia halyqtary arasyndaǵy dostyq qatynastyń damýy, sondai-aq ekonomikanyń jeke sektorlarynyń qalyptasýy jáne iri infraqurylymdyq jobalardyń qatysýy týraly baiandamalar jasady. Is-shara barysynda ekijaqty qatynastardy nyǵaitý turǵysynan qazaqstan-cheh saýda-ekonomikalyq jáne mádeni-gýmanitarlyq yntymaqtastyqty damytý perspektivalary jáne basqa da máseleler talqylandy.
Kezdesý sońynda konferentsiiaǵa qatysýshylar Qazaqstan halqyn mereitoilyq datamen quttyqtap, elimizge órkendeý men sáttilik tiledi.
Qazaqstan tarapynan is-sharaǵa qatysty: Ulttyq akademiialyq kitaphananyń bas direktory, p.ǵ.d., professor, Úmithan Muńalbaeva; Memleket jáne quqyq institýtynyń áleýmettik-ekonomikalyq damý tarihy bóliminiń direktory, tarih ǵylymdarynyń doktory, professor, A.M.Aýanasova; M.Áýezov atyndaǵy Ádebiet jáne óner institýtynyń doktory, QR Eńbek sińirgen qairatkeri, filologiia ǵylymdarynyń doktory S.V.Ananeva; «Radima» Belarýs mádeni ortalyǵy « qoǵamdyq birlestiginiń tóraǵasy Dimitrii Ostankovich; Soltústik Qazaqstan ámbebap kitaphanasynyń direktory B.M.Ábilmájinov; Shyǵys Qazaqstan ámbebap kitaphanasynyń bibliografy O.D.Kaisina.
