Pragada qazaq ǵalymy, aǵartýshysy, qoǵam jáne saiasi qairatkeri Ahmet Baitursynulynyń 150 jyldyǵyna, sondai-aq «Alash» qozǵalysynyń mádeni murasyna arnalǵan dóńgelek ústel otyrysy ótti, dep habarlaidy QazAqparat.
QR Syrtqy ister ministrliginen málim etkendei, is-shara aiasynda Qazaqstan Respýblikasynyń Cheh Respýblikasyndaǵy Elshiliginiń bastamasymen «Ahmet Baitursynuly jáne Alash» kitabynyń tusaýkeseri ótti. Kitap alǵash ret cheh jáne aǵylshyn tilderine aýdarylyp, oǵan qazaq mádenietiniń kórnekti qairatkerleri men qazirgi zamanǵy «Alashtanýshy» ǵalymdardyń eńbekteri endi. Qazaq tilinen aǵylshyn tiline aýdarýdy Qazaqstan Respýblikasynyń Ulttyq aýdarma biýrosy júzege asyrdy.
«Is-shara barysynda qazaq memlekettiligin qalyptastyrý máseleleri talqylanyp, Qazaqstannyń táýelsizdik kezeńindegi jetistikteri týraly syndarly pikir almasý boldy. A. Baitursynuly men «Alash» qozǵalysynyń el tarihy men ulttyq sanasyn qalyptastyrýdaǵy biregei róli atap ótildi», - delingen QR SIM habarlamasynda.
Tanymal cheh ǵalymy, professor Iirji Shima óz sózinde: «Men óz halqym men elimniń tarihyn zerttep qana, ótken ǵasyrdyń sońynda jańadan paida bolǵan táýelsizdiktiń erekshe qundylyǵyn túsine bastaityndyǵyma senimdimin», – dep atap ótti.
Kezdesýge qatysýshylar ulttyq tarihty jan-jaqty jáne tereń zertteýdiń mańyzdylyǵyn atap ótti.
Qazaqstandyq taraptan onlain formatta «Egemen Qazaqstan» Respýblikalyq gazeti» AQ Basqarma tóraǵasy Darhan Qydyráli, Sh. Ýálihanov atyndaǵy tarih jáne etnologiia institýtynyń direktory Ziiabek Qabyldinov, A. Baitursynuly atyndaǵy Til bilimi institýtynyń direktory Anar Fazyljanova, QR BǴM Ǵylym komitetiniń Memleket tarihy institýty direktorynyń orynbasary Búrkitbai Aiaǵan, L.N. Gýmilev atyndaǵy Eýraziia ulttyq ýniversitetiniń professory Satai Syzdyqov, E.A. Býketov atyndaǵy Qaraǵandy memlekettik ýniversitetiniń etnomádeni jáne tarihi-antropologiialyq zertteýler ortalyǵynyń jetekshisi Záýresh Saqtaǵanova, M.V. Lomonosov atyndaǵy Máskeý memlekettik ýniversitetiniń professory Altaiy Orazbaeva qatysty.
Qazaqstan Elshiligi Karlov ýniversitetine «Ahmet Baitursynuly jáne Alash» kitaptaryn cheh jáne aǵylshyn tilderinde syiǵa tartty.
Aita keteiik, Ahmet Baitursynulynyń 150 jyldyq mereitoiy 2022 jyly atalyp ótiletin IýNESKO-nyń Aitýly mereitoilar tizimine qosylǵan bolatyn.
