«Jolaýshylar tasymaly» AQ jeltoqsannan bastap elektrondy jeke kýálikpen vagonǵa otyrǵyzý jobasyn júzege asyryp jatyr. Bul - jolaýshynyń vagonǵa otyrǵandyǵy faktisin tirkeitin, jolaýshynyń mártebesin tekserýdiń balamaly nusqasy, dep habarlaidy "Ult aqparat".
Ol úshin jolaýshy Mobildi azamattar bazasynda tirkelýi jáne uialy telefonynda eGov mobile elektrondyq úkimet qosymshasy bolýy tiis.
Vagonǵa otyrǵyzý kezinde jolserik «Jolseriktiń mobildik terminaly» arqyly E-jeke kýálikti skanerleý arqyly jolaýshynyń mártebesin tekseredi.
Jolaýshynyń uialy qurylǵysyndaǵy eGov mobile qosymshasynan QR-kodyn sátti aiqyndaǵannan jáne JMT mártebesi maquldanǵannan keiin jolaýshynyń vagonǵa kirýine jáne bilette kórsetilgen óz ornyna baryp jaiǵasýyna bolady.
Atalǵan joba Qazaqstan Respýblikasynyń Premer-Ministri A. Maminniń, «Samuryq-Qazyna» UÁQ» AQ Basqarma Tóraǵasy A.Esimovtyń jáne Qazaqstan Respýblikasy tsifrlyq damý, innovatsiialar jáne aeroǵarysh ónerkásibi ministri B. Mýsinniń qatysýymen ótken Digital Samruk 2020 konferentsiiasynda kórsetildi.
- Bizdiń maqsatymyz – tsifrlandyrýdy sheshý arqyly árbir qazaqstandyqtyń ómirin barynsha jeńildetý jáne jaqsartý. Bizdiń árbirimiz bir ret bolsa da qujatymyzdy úiimizde umytyp jatamyz. Buryn poiyzǵa otyrý kezinde jeke kýáligik kerek edi, al qazir ózinde smartfon men qoljetimdi Egov qosymshasy bolsa jetkilikti, - dedi tsifrlyq damý ministri Baǵdat Mýsin.
E-jeke kýáligin paidalaný kezinde jolaýshylar neni bilýi tiis:
- E-jeke kýáliginde myna málimetter bolady: foto, TAJ, týǵan jeri men datalary, qujattyń jaramdylyq merzimi, JSN.
- E-jeke kýálik tek Qazaqstan Respýblikasy aýmaǵynda ǵana jumys isteidi. Halyqaralyq jáne shekaramańy marshrýttaryna otyrý kezinde E-jeke kýálik qabyldanbaidy.
- E-jeke kýáliktiń jaramdylyq merzimi - týra qaǵazdaǵydai. Eger qaǵazdaǵynyń merzimi aiaqtalsa, onda tsifrlyqtyń da merzimi bitedi. Sondyqtan vagonǵa otyrǵyzý kezinde túsinbeýshilikter týyndamaýy úshin óz qujatyńyzdyń jaramdylyq merzimin tekserip alǵanyńyz jón.
- E-jeke kýálikte biregei QR-kody ornalastyrylǵan, skanerlep onyń túpnusqalyǵyn tekserýge bolady. Jeke málimetterdi qorǵaý maqsatynda úshinshi tulǵalardyń QR-kodqa kirýine ýaqyt boiynsha shekteý qoiylǵan.
- E-jeke kýálik Qazaqstan Respýblikasy azamatynyń túpnusqalyq jeke kýáligin tolyq almastyra almaidy. Sondyqtan da jolaýshy júrgen jolynda ózimen qujattyń túpnusqasyn ala júrgeni durys.
- Bul rette biletti qaitarý kezinde jolaýshynyń jeke kýáliginiń túpnusqasyn usyný suralady.
- Eger sizdiń telefonyńyzdyń qýaty bitip qalsa, internet-trafigińizbitse nemese uialy telefonyńyz jelige qosylmai qalsa, E-jeke kýálik qoljetimsiz bolatyndyǵyn qaperde ustaǵan jón.
