Elimizde vokzaldar men poiyzdarda jolaýshylarǵa qyzmet kórsetýdiń jańa standarttary qabyldanady. Bul týraly QR Indýstriia jáne infraqurylymdyq damý ministrligi Avtomobil joldary komitetiniń tóraǵasy Sairanbek Barmaqov málim etti, dep habarlaidy QazAqparat.
«Temir joldyń jyljymaly quram parkin jańartýǵa 657 mlrd teńge, onyń ishinde jekemenshik kózderden 455 mlrd teńge bólý josparlanǵan. 2025 jylǵa deiin magistraldyq temir jol jelisiniń tozýyn 49 paiyzǵa deiin jáne lokomotivterdi 58 paiyzǵa deiin tómendetý kózdelgen. Osy jyly 50 vagon satyp alyndy. Sondai-aq, áleýmettik mańyzy bar oblysaralyq qatynastardy sýbsidiialaý boiynsha jumys jalǵasýda. Oǵan qazirdiń ózinde 20 mlrd teńge bólindi», - dedi komitet tóraǵasy Ortalyq kommýnikatsiialar qyzmetindegi baspasóz máslihatynda.
Sonymen qatar ol búgingi tańda temir jol tasymaldary naryǵynda salaýatty básekelestikti damytýǵa baǵyttalǵan Temir jol kóligi týraly zańnyń tujyrymdamasy ázirlenip jatqanyn aitty.
«Munan basqa, vokzaldar men poiyzdarda jolaýshylarǵa qyzmet kórsetýdiń jańa standarttary qabyldanatyn bolady. Bul jolaýshylardy temirjol kóligimen tasymaldaý sapasyn joǵarylatýǵa áser etedi», - dedi Sairanbek Barmaqov.
