Kóliktegi memlekettik bas sanitarlyq dáriger Sádýaqas Baiǵabylov 1 maýsymnan poiyzdar qozǵalysy jandanǵan kezde jolaýshylar aitarlyqtai kóp bolmaitynyn aitty, dep habarlaidy QazAqparat.
«Áýe tasymalyndaǵy siiaqty osy qyzmetterdi negizinen tótenshe jaǵdai kezinde qalalarda qalyp qoiǵan jolaýshylar paidalanady. Sonymen qatar, qyzmettik issaparǵa jiberilgender jolǵa shyǵady. Dál solai temirjol kóliginde de bolady», - dedi S. Baiǵabylov Ortalyq kommýnikatsiialar qyzmetinde.
Onyń paiymynsha, temirjol kóligimen tasymaldaý jandanǵandaǵy bastapqy kezeńde jolaýshylar aitarlyqtai kóp bolmaýy múmkin.
«Áýe kóligimen tasymaldaýdy monitoringileý kezinde turǵyndar ózderiniń densaýlyǵyna jaýapkershilikpen qaraǵanyn baiqadyq. Olar aýrý juqtyrmas úshin barlyq talaptardy qatań ustandy. Temirjol kóligimen saparlaý kezinde de jolaýshylar osy talaptarǵa erekshe mán beredi», - dedi S. Baiǵabylov.
