«Adal jol» jobalyq keńseniń basshysy Islambek Maishekin jolaýshylardy poiyzǵa otyrǵyzý kezinde biometriialyq sáikestendirý jobasy qashan iske qosylatyndyǵyn aityp berdi, dep habarlaidy QazAqparat.
«Aldaǵy ýaqytta jolaýshy poiyzǵa otyratyn kezde jeke tulǵasyn sáikestendirýden ótetin bolady. Salystyrý úshin aita keter bolsaq, naýryz aiynda elektrondy tsifrlyq qoltańbany onlain qyzmeti arqyly ala bastadyq. Iaǵni, kez kelgen azamat ózine ETsQ-ny onlain ala alady. Tulǵany sáikestendirýdiń dál sondai tehnologiiasy Digital ID qosymshasy arqyly da jolaýshylar tasymalynda bilet satyp alýǵa múmkindik bar. Azamat biletti satyp alǵan kezde Digital ID qosymshasy arqyly óziniń tulǵasyn sáikestendiredi jáne tsifrlyq ID karta jasalady. Atalǵan kartany bilet satyp alý kezinde qoldanady», - dedi ol.
Onyń atap ótýinshe, qazirgi ýaqytta tulǵany sáikestendirý tehnologiiasy arqyly bilet satyp alǵan jolaýshylardy tekserýdiń úsh nusqasy qarastyrylyp jatyr.
«Birinshisi, jolaýshylardyń tulǵasyn sáikestendirý qosymshasy júktelgen smartfonnyń kómegimen jolserik tekseredi. Ekinshisi, jolaýshylardyń tulǵasyn sáikestendiretin kameralar vokzalǵa, iaǵni, perronǵa shyǵatyn jerde ornatylady. Úshinshisi, mundai kameralar vagonnyń ózinde ornatylady», - dedi Islambek Maishekin.
Jobalyq keńse basshysynyń aitýynsha, bastapqyda bul jobany naýryz aiynyń sońynda engizý josparlanǵan bolatyn. Alaida elimizde tótenshe jaǵdai rejiminiń jariialanýyna bailanysty keiinge ysyrylǵan.
«Qazirgi ýaqytta «Qazaqstan temir joly« kompaniiasy «Almaty-Atyraý« baǵytyndaǵy jeke poiyzdy bólip otyr. Onda joba 2-3 ai boiy qoldanylady. Ilki joba barysynda kemshilikteri men oń tustary anyqtalǵannan keiin ary qarai jappai engizý jaiyn oilastyramyz», - dedi ol.
