«ادال جول» جوبالىق كەڭسەنٸڭ باسشىسى يسلامبەك مايشەكين جولاۋشىلاردى پويىزعا وتىرعىزۋ كەزٸندە بيومەترييالىق سەيكەستەندٸرۋ جوباسى قاشان ٸسكە قوسىلاتىندىعىن ايتىپ بەردٸ, دەپ حابارلايدى قازاقپارات.
«الداعى ۋاقىتتا جولاۋشى پويىزعا وتىراتىن كەزدە جەكە تۇلعاسىن سەيكەستەندٸرۋدەن ٶتەتٸن بولادى. سالىستىرۋ ٷشٸن ايتا كەتەر بولساق, ناۋرىز ايىندا ەلەكتروندى تسيفرلىق قولتاڭبانى ونلاين قىزمەتٸ ارقىلى الا باستادىق. ياعني, كەز كەلگەن ازامات ٶزٸنە ەتسق-نى ونلاين الا الادى. تۇلعانى سەيكەستەندٸرۋدٸڭ دەل سونداي تەحنولوگيياسى Digital ID قوسىمشاسى ارقىلى دا جولاۋشىلار تاسىمالىندا بيلەت ساتىپ الۋعا مٷمكٸندٸك بار. ازامات بيلەتتٸ ساتىپ العان كەزدە Digital ID قوسىمشاسى ارقىلى ٶزٸنٸڭ تۇلعاسىن سەيكەستەندٸرەدٸ جەنە تسيفرلىق ID كارتا جاسالادى. اتالعان كارتانى بيلەت ساتىپ الۋ كەزٸندە قولدانادى», - دەدٸ ول.
ونىڭ اتاپ ٶتۋٸنشە, قازٸرگٸ ۋاقىتتا تۇلعانى سەيكەستەندٸرۋ تەحنولوگيياسى ارقىلى بيلەت ساتىپ العان جولاۋشىلاردى تەكسەرۋدٸڭ ٷش نۇسقاسى قاراستىرىلىپ جاتىر.
«بٸرٸنشٸسٸ, جولاۋشىلاردىڭ تۇلعاسىن سەيكەستەندٸرۋ قوسىمشاسى جٷكتەلگەن سمارتفوننىڭ كٶمەگٸمەن جولسەرٸك تەكسەرەدٸ. ەكٸنشٸسٸ, جولاۋشىلاردىڭ تۇلعاسىن سەيكەستەندٸرەتٸن كامەرالار ۆوكزالعا, ياعني, پەررونعا شىعاتىن جەردە ورناتىلادى. ٷشٸنشٸسٸ, مۇنداي كامەرالار ۆاگوننىڭ ٶزٸندە ورناتىلادى», - دەدٸ يسلامبەك مايشەكين.
جوبالىق كەڭسە باسشىسىنىڭ ايتۋىنشا, باستاپقىدا بۇل جوبانى ناۋرىز ايىنىڭ سوڭىندا ەنگٸزۋ جوسپارلانعان بولاتىن. الايدا ەلٸمٸزدە تٶتەنشە جاعداي رەجيمٸنٸڭ جارييالانۋىنا بايلانىستى كەيٸنگە ىسىرىلعان.
«قازٸرگٸ ۋاقىتتا «قازاقستان تەمٸر جولى« كومپانيياسى «الماتى-اتىراۋ« باعىتىنداعى جەكە پويىزدى بٶلٸپ وتىر. وندا جوبا 2-3 اي بويى قولدانىلادى. ٸلكٸ جوبا بارىسىندا كەمشٸلٸكتەرٸ مەن وڭ تۇستارى انىقتالعاننان كەيٸن ارى قاراي جاپپاي ەنگٸزۋ جايىن ويلاستىرامىز», - دەدٸ ول.
