Jambyl oblystyq TJD baspasóz qyzmetiniń deregi boiynsha, poiyzdyń apatqa ushyraýy saldarynan zardap shegip, túrli jaraqattarmen Shý aýdandyq ortalyq aýrýhanasyna jetkizilgen jolaýshylardyń bireýi ǵana meditsina mekemesinde qaldy, dep habarlaidy "Ult aqparat".
Jambyl oblystyq TJD baspasóz qyzmetiniń deregi boiynsha, túrli jaraqattarmen Shý aýdandyq ortalyq aýrýhanasyna 14 jolaýshy jetkizildi. Qazir emdeý mekemesinde 48 jastaǵy Astana turǵynynan basqasy óz erikterimen aýrýhanadan shyqqan. Zardap shekken Astana turǵynynyń eki aiaǵy synyp, em qabyldap jatyr, dep túsindirdi óńirlik TJD baspasóz qyzmetiniń ókili Sáýle Mýnataeva.
Sondai-aq, naýqastyń jeke málimetteri jariialanbaityny atalyp ótildi.
Eske sala ketsek, Astanadan Almatyǵa bara jatqan jolaýshylar poiyzy apatqa ushyraǵan bolatyn.
Sál keiin «Qazaqstan temir joly» ulttyq kompaniiasy «Astana-Almaty» baǵytynda qatynaityn poiyzdyń apatqa ushyraýyna qatysty resmi málimdeme jasap, oqiǵanyń shyǵý sebebin tekseretin arnaiy komiissiia qurylǵanyn jariia etken edi.
