Kórneki sýret: pixabay
QMA Almaty qalasy boiynsha departamenti qalalyq MKD-men birlesip, aviatsiialyq kólik prokýratýrasynyń úilestirýimen iri kólemdegi esirtki zattarynyń zańsyz ainalymynyń jolyn kesti, - dep habarlaidy "Ult aqparat" vedomstvonyń baspasóz qyzmetine silteme jasap.
Qyzmettik-izdestirý itiniń kómegimen júrgizilgen jedel-izdestirý is-sharalary barysynda AQSh-tan poshta arqyly jóneltilgen zatty alǵan Almaty qalasynyń turǵyny jalpy salmaǵy 866 gramm bolatyn "marihýana" esirtkisimen ustaldy.
"Ustalǵan er adamnyń páterin tintý kezinde esirtki zattary, 5 dana elektrondy tarazy, sondai-aq esirtki zattaryn qoldanýǵa jáne oraýǵa arnalǵan qurylǵylar tárkilendi. Kúdiktiniń Telegram messendjeri arqyly esirtki satýmen ainalysqany anyqtaldy.
Qazirgi ýaqytta tergeý júrip jatyr, birqatar saraptamalar taǵaiyndaldy. Kúdiktige qatysty «qamaý» túrindegi bultartpaý sharasy tańdaldy", - delingen habarlamada.
