Qazaqstan Respýblikasynyń Memlekettik rámizderi kúni Portýgal ultynyń «besigi» dep atalatyn Gimaraesh qalasynda Qazaqstannyń Qurmetti konsýldyǵynyń ashylýy ótti, dep habarlaidy QR SIM baspasóz qyzmeti.
Is-sharada Qazaqstannyń Portýgaliiadaǵy Elshisi Dáýlet Batyrashev, Gimaraesh qalasynyń meri Domingýsh Bragansa, Qurmetti konsýldyqtyń okrýgine kiretin óńirlerdiń basshylary, akademiialyq, qoǵamdyq-saiasi jáne isker toptarynyń, sondai-aq BAQ ókilderi qatysty. Qazaqstannyń Qurmetti konsýly Jil Vieira, «Resumeferico» kompaniiasynyń basshysy Braga, Viana-dý-Kashtelý, Vila-Real, Bragansa, Portý, Aveirý, Vizeý, Gýarda, Koimbra i Kashtelý-Branký óńirlerinde óziniń qyzmetin júrgizedi.
Saltanatty rásimde Elshi Qazaqstannyń Qurmetti konsýldyǵynyń qurylýy - bul eki el arasyndaǵy saýda-ekonomikalyq, investitsiialyq jáne gýmanitarlyq yntymaqtastyqty odan ári keńeitýge yqpal ete otyryp, qazaq-portýgal dostyǵy damýynyń aiqyn dáleli ekenin basa aitty. Otandyq diplomat Gimaraesh qalasynyń basshylyǵyna kórsetken qoldaýy úshin alǵysyn bildirip, J.Vieiraǵa Qurmetti konsýlynyń qyzmetinde paidalaný úshin memlekettik rámizderin tapsyrdy.
Portýgaliianyń soltústik aimaqtarynyń basshylary Qurmetti konsýldyqtyń ashylýymen quttyqtai otyryp, ol óńiraralyq ekijaqty yntymaqtastyǵynyń damytýyna yqpal etetinine senim bildirdi. Óz tarapynan, Gimaraesh qalasynyń meri Domingýsh Bragansa Qazaqstanmen ózara tiimdi qarym-qatynastardy keńeitýge qyzyǵýshylyǵyn bildirip, eki el óńirleri arasyndaǵy ózara árekettestikti odan ári damytý úshin usyna alatyn qalanyń keń múmkindikterin atap ótti. Osy oraida, D. Bragansa týystyq qatynastar ornatý jáne ekijaqty yntymaqtastyqtyń kún tártibin jan-jaqty talqylaý maqsatynda Túrkistan qalasyna jaqyn ýaqytta barýǵa niettiligin bildirdi.
Óz qyzmetine kirisken Qurmetti konsýl Qazaqstan Úkimetine senim bildirgeni úshin alǵysyn bildirip, Qurmetti konsýldyqtyń bizdiń memleket azamattarynyń quqyqtary men múddelerin qorǵaýdaǵy, sondai-aq eki eldiń ózara árekettesýiniń barlyq salalarynda jáne elder arasyndaǵy saýda-ekonomikalyq yntymaqtastyǵynyń damýyndaǵy mańyzdy rólin atap ótti.
QR Qurmetti konsýldyǵynyń ashylýymen birge, óńirdiń iskerlik pen óndiristik áleýetin eskere otyryp, Gimaraesh qalasynda qazaq-portýgal tikelei iskerlik bailanystardy damytýǵa baǵyttalǵan «Qazaq Sauda» iskerlik assotsiatsiiasynyń jumysy resmi túrde bastalǵan bolatyn. Portýgaldyq kásipkerleriniń bastaýymen qurylǵan qaýymdastyq seriktestik pen kooperatsiialyq bailanystaryn ornatýǵa kómektesýdiń, sondai-aq ekonomikanyń basym salalarda birlesken jobalardy iske asyrý boiynsha bizneske qajetti keńesýler berýdiń tiimdi quralyna ainalýǵa baǵyttalǵan.
Sonymen qatar, Qazaqstan Respýblikasy táýelsizdiginiń 30 jyldyǵy mereitoiyna arnalǵan birqatar is-sharalar aiasynda, Portýgaliianyń tanymal oryndaýshylary Lara Aleishý men Nýno de Kamara Pereiranyń qatysýymen saltanatty kontsert ótti. Olar basqa shyǵarmalarmen qatar, tanymal «Dýdarai» jáne «Umytylmas kún» qazaq ánderin oryndady. Sondai-aq, kóptegen qonaqtar, Gimaraesh qalasynyń barlyq turǵyndaryna eki aptaǵa ashylǵan Qazaqstan týraly fotokórmesi aiasynda elimizdiń bai mádenietimen, ónerimen jáne tabiǵatymen tanysý múmkindigine ie boldy.
Qurmetti konsýldyq – ózi ókildik etetin eldiń memlekettik qyzmetinde turmai, sol eldiń jáne onyń azamattarynyń quqyqtary men múddelerin qorǵaýdy qosa, biraq vizalar men ózge de resmi qujattardy berýdi qospaǵanda, ókildik etetin memlekettiń tapsyrmasymen jáne bolý eliniń kelisimimen aqysyz negizde keibir konsýldyq mindetterdi atqaratyn Qurmetti (shtattan tys) konsýl basqaratyn mekeme.
