Seisenbi kúni jariialanǵan esepke sáikes, «Delta» shtammy qazirgi ýaqytta Portýgaliiada anyqtalǵan koronavirýstyń jańa jaǵdailarynyń 90%-ǵa jýyǵynan tabylǵan, dep habarlaidy QazAqparat.
Portýgaliianyń qoǵamdyq densaýlyq saqtaý ulttyq institýtynyń málimetine sáikes, Úndistanda alǵash ret anyqtalǵan nusqanyń jiiligi ótken aptada 89,1%-ǵa jetti. Buryn bul kórsetkish shamamen 45,8%-dy quraǵan bolatyn.
Sonymen qatar, Portýgaliiada koronavirýs juqtyrýdyń jańa jaǵdailarynyń sany artyp, kúnine 2000 jaǵdaidan asady.
Portýgaliianyń Densaýlyq saqtaý ministri Marta Temido jergilikti teledidarǵa bergen suhbatynda jaǵdai ózgermese, bul kórsetkish shilde aiynyń ortasyna qarai eki ese artýy múmkin ekenin eskertti.
Pandemiianyń taǵy bir tolqynynyń aldyn alý úshin Portýgaliia úkimeti eń kóp zardap shekken 45 mýnitsipalitetke, onyń ishinde el astanasy Lissabon men eldiń ekinshi úlken qalasy Portoda túngi ýaqytta komendanttyq saǵatty engizýge sheshim qabyldady.
Alaida ministr úkimetke jańa tótenshe jaǵdai jariialamai jańa shekteýlerdi qalpyna keltirý qiyn bolady dep málimdedi, bul respýblika prezidenti Marselý Rebelý di Sozdyń qoldaýyn qajet etedi.
Portýgaliia ulttyq vaktsinatsiia kampaniiasynyń qarqynyn jedeldetýge tyrysýda, dúisenbide jańa rekordqa jetti – bir kúnde shamamen 141 myń doza egildi.
Portýgaliia halqynyń úshten bir bóligi qazirdiń ózinde olyǵymen vaktsinalanǵanyn eskere otyryp, 10 million halqy bar Eýropa eli vaktsinatsiia deńgeii boiynsha álemde birinshi orynǵa shyqty. Bir táýlikte jergilikti turǵyndardyń shamamen 1,49% -y vaktsina alady.
