Gonkong Qytaidan tolyq avtonomdy bolmaǵandyqtan budan bylai AQSh-pen erekshe qatynas jasai almaidy. Bul týraly AQSh memlekettik hatshysy Maik Pompeo habarlady. Ol Pekin talqylap jatqan Gonkong qaýipsizdigi týraly zańdy atap ótti.
AQSh memlekettik departamenti jetekshisiniń aitýynsha, bul qujat - "Gonkong avtonomiiasy men onyń erkindigine nuqsan keltiretin oqiǵalar tizbegindegi eń sońǵy pýnkt qana". Ol sársenbi kúni 1997 jylǵa deiin jáne odan keiin Gonkongke berilgen mártebege qatysy bar habarlamany kongreske jibergen.
Buryn Britaniia koloniiasy bolǵan Gonkong 1997 jyly Qytaiǵa berilip, biraq 2047 jylǵa deiin ishki saiasatyn ózi anyqtaýǵa múmkindik alǵan edi.
Byltyr kongress jáne AQSh prezidenti Donald Tramp memlekettik departamentti jylyna keminde bir ret burynǵy britan koloniiasynyń táýelsizdigine kóz jetkizýge mindetteitin zań qabyldaǵan. Bul zań Vashingtonnyń álemdegi qarjy ortalyqtarynyń birine erekshe saýda mártebesin berýge laiyq-laiyq emestigin anyqtaýǵa múmkindik beredi. Bul qujat sonymen birge adam quqyǵyn buzǵan Gonkongtiń resmi tulǵalaryna sanktsiia salý (AQSh-qa viza berý, qarjy aktivterin buǵattaý t.s.s.) múmkindigin qarastyrady.
Buǵan deiin Maik Pompeo Qytaidy Gonkongke ulttyq qaýipsizdik týraly jańa zańdy tyqpalady dep aiyptaǵan. Ótken aptada qujatty Búkilqytailyq jinalys qarastyra bastaǵan. Pompeonyń aitýynsha, bul sharalar aimaqtyń zań shyǵarý erejelerine qaishy keledi jáne onda turǵyndardyń pikiri eskerilmegen.
Osyǵan deiin Gonkongte turǵyndar zań jobasyna qarsy shyǵyp, narazylyq bildirgen. Narazy turǵyndardyń aitýynsha, ózgerister "bir el, eki júie" printsipine qaishy. 24 mamyrda myńdaǵan adam qatysqan narazylyq kezinde shamamen 200 adam ustaldy.
Byltyr Gonkongte birneshe ai boiy belsendiler pekinshil biliktiń kúdiktilerdi Qytaiǵa ekstraditsiialaý týraly zańdy qabyldaý josparyna qarsy shyǵyp, narazylyq aktsiiasyn ótkizgen. "Dissidentterdi qýdalaý úshin qoldanylýy múmkin" delingen zań narazylardyń qysymynyń arqasynda kúshine enbedi.
