Polshanyń densaýlyq saqtaý ministri Lýkash Shýmovskii Polshadaǵy alǵashqy koronavirýs juqtyrý jaǵdaiyn rastady, dep habarlaidy "Ult aqparat".
Polsha densaýlyq saqtaý ministrliginiń resmi málimetinshe, barlyq protsedýra qajetti deńgeide júrgizilgen. Naýqastyń jaǵdaiy jaqsy, qazir ol aýrýhanada jatyr. Barlyǵy 584 test júrgizildi, sonyń ishinde tek bireýi oń nátije berdi.
«Ýáde etkenimizdei, test oń nátije bergen kezde muny birden habarlaitynymyzdy aitqan edik. Búgin osy jaǵdai bolyp jatyr. Biz Polshadaǵy koronavirýs infektsiiasy rastalǵan alǵashqy naýqastyń oń nátijesin aldyq», - dedi Lýkash Shýmovskii sársenbi kúngi arnaiy baspasóz máslihatynda.
Onyń aitýynsha, naýqas qazir Zeliona-Gýra qalasynda aýrýhanada jatyr. Ol Germaniiadan kelgen. Onymen bailanysta bolǵan barlyq adam karantinge alyndy.
