پولشانىڭ دەنساۋلىق ساقتاۋ مينيسترٸ لۋكاش شۋموۆسكيي پولشاداعى العاشقى كوروناۆيرۋس جۇقتىرۋ جاعدايىن راستادى, دەپ حابارلايدى "ۇلت اقپارات".
پولشا دەنساۋلىق ساقتاۋ مينيسترلٸگٸنٸڭ رەسمي مەلٸمەتٸنشە, بارلىق پروتسەدۋرا قاجەتتٸ دەڭگەيدە جٷرگٸزٸلگەن. ناۋقاستىڭ جاعدايى جاقسى, قازٸر ول اۋرۋحانادا جاتىر. بارلىعى 584 تەست جٷرگٸزٸلدٸ, سونىڭ ٸشٸندە تەك بٸرەۋٸ وڭ نەتيجە بەردٸ.
«ۋەدە ەتكەنٸمٸزدەي, تەست وڭ نەتيجە بەرگەن كەزدە مۇنى بٸردەن حابارلايتىنىمىزدى ايتقان ەدٸك. بٷگٸن وسى جاعداي بولىپ جاتىر. بٸز پولشاداعى كوروناۆيرۋس ينفەكتسيياسى راستالعان العاشقى ناۋقاستىڭ وڭ نەتيجەسٸن الدىق», - دەدٸ لۋكاش شۋموۆسكيي سەرسەنبٸ كٷنگٸ ارنايى باسپاسٶز مەسليحاتىندا.
ونىڭ ايتۋىنشا, ناۋقاس قازٸر زەليونا-گۋرا قالاسىندا اۋرۋحانادا جاتىر. ول گەرمانييادان كەلگەن. ونىمەن بايلانىستا بولعان بارلىق ادام كارانتينگە الىندى.
