Fýtboldan Polsha ulttyq quramasynyń oiynshysy Iatsek Gýralskii biyldan bastap Almatynyń «Qairat» komandasynyń namysyn qorǵaidy, dep habarlaidy "Ult aqparat".
Iatsek Gýralskii 1992 jyldyń 21 qyrkúieginde Polshanyń Bydgosh qalasynda dúniege kelgen. Sol qalanyń «Zavish» komandasynda tálim alyp, úlken fýtboldaǵy alǵashqy qadamyn 2010 jyly sol klýbta bastady. Odan keiingi jyldarda sol eldiń «Viktoriia» (Koronovo), «Visla» (Plotsk), «Iagelloniia» komandalarynyń jeidesin kidi. Al 2017 jyldan beri Bolgariianyń «Lýdogorets» klýbynyń namysyn qorǵady.
2016 jyldan ber Polsha quramasy sapynda 13 oiynǵa qatysyp, qarsylas qaqpasyna 1 gol soqty. Ia. Gýralskii 2018 jyly Reseide ótken álem chempionatynda óz quramasy sapynda oiyn kórsetti.
«Qairat» komandasy Ia. Gýralskiimen 3 jylǵa kelisimshartqa qol qoidy.
Budan buryn «Qairattyń» jartylai qorǵaýshysy Baýyrjan Islamhannyń «Zenitke» aýysýy múmkin ekenin habarlaǵan bolatynbyz.
