فۋتبولدان پولشا ۇلتتىق قۇراماسىنىڭ ويىنشىسى ياتسەك گۋرالسكيي بيىلدان باستاپ الماتىنىڭ «قايرات» كومانداسىنىڭ نامىسىن قورعايدى, دەپ حابارلايدى "ۇلت اقپارات".
ياتسەك گۋرالسكيي 1992 جىلدىڭ 21 قىركٷيەگٸندە پولشانىڭ بىدگوشش قالاسىندا دٷنيەگە كەلگەن. سول قالانىڭ «زاۆيش» كومانداسىندا تەلٸم الىپ, ٷلكەن فۋتبولداعى العاشقى قادامىن 2010 جىلى سول كلۋبتا باستادى. ودان كەيٸنگٸ جىلداردا سول ەلدٸڭ «ۆيكتورييا» (كورونوۆو), «ۆيسلا» (پلوتسك), «ياگەللونييا» كوماندالارىنىڭ جەيدەسٸن كيدٸ. ال 2017 جىلدان بەرٸ بولگارييانىڭ «لۋدوگورەتس» كلۋبىنىڭ نامىسىن قورعادى.
2016 جىلدان بەر پولشا قۇراماسى ساپىندا 13 ويىنعا قاتىسىپ, قارسىلاس قاقپاسىنا 1 گول سوقتى. يا. گۋرالسكيي 2018 جىلى رەسەيدە ٶتكەن ەلەم چەمپيوناتىندا ٶز قۇراماسى ساپىندا ويىن كٶرسەتتٸ.
«قايرات» كومانداسى يا. گۋرالسكييمەن 3 جىلعا كەلٸسٸمشارتقا قول قويدى.
بۇدان بۇرىن «قايراتتىڭ» جارتىلاي قورعاۋشىسى باۋىرجان يسلامحاننىڭ «زەنيتكە» اۋىسۋى مٷمكٸن ەكەنٸن حابارلاعان بولاتىنبىز.
