Polsha biligi Belarýspen shekarasyna biiktigi 2,5 metr qamal turǵyzý jóninde sheshim qabyldady. Bul týraly dúisenbide Polshanyń Qorǵanys ministri Mariýsh Blashak habarlady. Onyń sózine qaraǵanda, shekarashylarǵa kómekke baratyn áskeri qyzmetkerler de kóbeiedi, dep jazady Azattyq radiosy.
Muny Belarýs jaqtan keletin migrantttarǵa bailanysty Varshavanyń reaktsiiasy deýge bolady. Eki el shekarasynda Iraktan, Taiaý Shyǵys pen Aziianyń ózge de elderinen kelip, Belarýs arqyly Polshaǵa ótýdi kózdeitin, Eýropa odaǵynan pana suraǵysy keletinderdiń kóbeigeni baiqalǵan.
Varshava men onyń Eýroodaqtaǵy seriktesteri Aleksandr Lýkashenko rejimin synaityn kórshilerine problema týǵyzý úshin Belarýs biligi zańsyz migratsiiaǵa ádeii dem berip otyr dep sanaidy.
Buǵan deiin Polshanyń 900-ge jýyq áskeri qyzmetkeri shekaradaǵy aýdandarǵa barǵan. Polsha quqyq qorǵaý organdarynyń taǵy da 50 qyzmetkerin migranttar kúrt kóbeigen Litvaǵa kómekke jiberilmekshi.
Polsha shekara qyzmetiniń málimetine qaraǵanda, 2020 jyly shekarada 122 zańsyz migrant, al 2021jyldyń basynan beri 800-ge jýyq zańsyz migrant ustalǵan. Litvada munan da kóp. Polsha men Belarýs shekarasynyń uzyndyǵy 400 km-ge jýyq.
