پولشا بيلٸگٸ بەلارۋسپەن شەكاراسىنا بيٸكتٸگٸ 2,5 مەتر قامال تۇرعىزۋ جٶنٸندە شەشٸم قابىلدادى. بۇل تۋرالى دٷيسەنبٸدە پولشانىڭ قورعانىس مينيسترٸ ماريۋش بلاششاك حابارلادى. ونىڭ سٶزٸنە قاراعاندا, شەكاراشىلارعا كٶمەككە باراتىن ەسكەري قىزمەتكەرلەر دە كٶبەيەدٸ, دەپ جازادى ازاتتىق راديوسى.
مۇنى بەلارۋس جاقتان كەلەتٸن ميگرانتتتارعا بايلانىستى ۆارشاۆانىڭ رەاكتسيياسى دەۋگە بولادى. ەكٸ ەل شەكاراسىندا يراكتان, تاياۋ شىعىس پەن ازييانىڭ ٶزگە دە ەلدەرٸنەن كەلٸپ, بەلارۋس ارقىلى پولشاعا ٶتۋدٸ كٶزدەيتٸن, ەۋروپا وداعىنان پانا سۇراعىسى كەلەتٸندەردٸڭ كٶبەيگەنٸ بايقالعان.
ۆارشاۆا مەن ونىڭ ەۋرووداقتاعى سەرٸكتەستەرٸ الەكساندر لۋكاشەنكو رەجيمٸن سىنايتىن كٶرشٸلەرٸنە پروبلەما تۋعىزۋ ٷشٸن بەلارۋس بيلٸگٸ زاڭسىز ميگراتسيياعا ەدەيٸ دەم بەرٸپ وتىر دەپ سانايدى.
بۇعان دەيٸن پولشانىڭ 900-گە جۋىق ەسكەري قىزمەتكەرٸ شەكاراداعى اۋداندارعا بارعان. پولشا قۇقىق قورعاۋ ورگاندارىنىڭ تاعى دا 50 قىزمەتكەرٸن ميگرانتتار كٷرت كٶبەيگەن ليتۆاعا كٶمەككە جٸبەرٸلمەكشٸ.
پولشا شەكارا قىزمەتٸنٸڭ مەلٸمەتٸنە قاراعاندا, 2020 جىلى شەكارادا 122 زاڭسىز ميگرانت, ال 2021جىلدىڭ باسىنان بەرٸ 800-گە جۋىق زاڭسىز ميگرانت ۇستالعان. ليتۆادا مۇنان دا كٶپ. پولشا مەن بەلارۋس شەكاراسىنىڭ ۇزىندىعى 400 كم-گە جۋىق.
